2025-ны 2-р сарын 26-ны өдөр Холбооны Бүгд Найрамдах Герман Улсаас Монгол улсад суугаа Онц бөгөөд бүрэн эрхт Элчин сайд ноён Хэльмут Кулитц, Элчин сайдын яамны хэргийг түр хамаарагч Дэд тэргүүн хатагтай Ханна Бэкер тэргүүтэй төлөөлөгчид ШУТИС-д айлчилж Ректор Т.Намнан, Хөгжлийн бодлого, дижитал шилжилт эрхэлсэн проректор Р.Бадмаанямбуу, Сургалт, оюутны хөгжил эрхэлсэн проректор Н.Эрдэнэхүү, Гадаад хэлний сургуулийн захирал Ц.Энхбаатар Гадаад харилцааны албаны дарга Г.Батзориг, ахлах мэргэжилтэн Ө.Батбаатар, ШУТИС дахь Саксон мужийн их, дээд сургуулиудын албан ёсны төлөөлөгчийн газрын захирал н.Болормаа нар хүлээн авч уулзлаа. Ректор Т.Намнан төлөөлөгчдөд ШУТИС-ийн сургалт, судалгааны талаар дэлгэрэнгүй танилцуулж, ШУТИС-Германы их, дээд сургуулиудын хамтын ажиллагааны өнөөгийн байдал, цаашид тодорхой чиглэлээр хамтын ажиллагааг өргөжүүлэн хөгжүүлэх талаар төлөөлөгчидтэй санал бодлоо солилцлоо.
Уулзалтын дараа Элчин сайд ноён Хэльмут Кулитц ШУТИС-ийн оюутнуудтай уулзаж, ирээдүйн төлөвлөгөө, карьер зэрэг сэдвүүдээр семинар, ярилцлагыг зохион байгууллаа. Тэрээр оюутнуудад герман хэл сурах, германы их сургуулийн орчин, ажил эрхлэх боломжуудын талаар тайлбарлаж, оюунуудын санал бодлыг сонсож, тэдний сонирхсон асуултуудад хариуллаа.
ШУТИС нь Германы их, дээд сургуулиуд, тэр дундаа Фрайбергийн Уул уурхайн их сургуультай олон чиглэлээр хамтын ажиллагаатай тул Германд суралцаж, ажиллах таатай нөхцөл бүрдээд байна.
Уулзалтын үеэр Монгол оюутнуудын олон улсын түвшинд мэдлэгээ ашиглах, эх орныхоо хөгжилд хувь нэмэр оруулах хүсэл тэмүүллийг харахад сэтгэл хөдөлж байгаагаа элчин сайд дурдаад Германд ч бас эдгээр оюутнуудын эрч хүч, авьяасыг үнэлж, хоёр улсын шинжлэх ухаан, эдийн засгийн хамтын ажиллагааг бэхжүүлэх нь харилцан ашигтай болох талаар тэмдэглэн хэллээ.
Элчин сайд семинарын төгсгөлд халуун дотноор хүлээн авч, уулзалтыг зохион байгуулсан ШУТИС-ийн удирдлагууд болон ШУТИС дахь Саксон мужийн их, дээд сургуулиудын албан ёсны төлөөлөгчийн газарт талархаад, Германы их, дээд сургуулиудтай цаашдын хамтын ажиллагааг өргөжүүлэхэд дэмжлэг үзүүлэхээ илэрхийллээ.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
