Хятад улс “Нэг бүс, нэг зам” төслийн хүрээнд гадаад улстай хамтран эдийн засаг, соёл, хятад хэлийг түгээн дэлгэрүүлэх зэрэг олон талаар хамтарсан ажлууд зохион байгуулж байгаа. Энэхүү үйл ажиллагааны нэг болох “China International Book Trading Corporation” байгууллагаас жил бүр олон улсын хэмжээнд хятад номын үзэсгэлэн, худалдаа зохион явуулдаг.
15 дахь удаагийн Олон улсын номын үзэсгэлэн, худалдааг Бээжин хотноо 2025 оны 1-р сард зохиосон. Үүний хүрээнд гадаадын байгууллага, сургуульд ном, сурах бичиг хандивласан. Тус байгууллагаас ШУТИС-ийн Гадаад хэлний сургуульд 7040 юанийн үнэ бүхий хятад ном, сурах бичиг болон 2814 юанийн соёлын эд зүйлийг хүргүүлсэн.
Гадаад хэлний сургууль 2008-2009 оны хичээлийн жилээс хятад хэлний сургалт явуулж эхэлсэн түүхтэй. Одоогийн байдлаар ШУТИС-ийн Гадаад хэлний сургуулиас гадна ЭХИС-ийн “Цахилгаан хангамж”, “Сэргээгдэх эрчим хүч”, “Дулааны инженер”, “Эмнэлгийн тоног төхөөрөмж ашиглалтын инженер” мэргэжлээр, ГУУС-ийн “Геодези”, ХШУС-ийн “Химийн инженерчлэл”, “Статистик”, “Үйлдвэрийн экологийн инженер” зэрэг 8 мэргэжлээр хятадын их дээд сургуультай хамтарсан 2+2 хөтөлбөрийн ангид хятад хэл суралцаж, ГХС-ийн багш нар сургалтыг явуулж байна.
Гадаад хэлний сургууль нийгмийн хариуцлагын хүрээнд, хамтын ажиллагаатай Улаанбаатар дахь Хятадын соёлын төвд 2700 юанийн ном, сурах бичгийг хандивлав.
Оюутны суралцах анги танхимыг тохижуулах, ном сурах бичгээр хангах ажилд ГХС-ийн удирдлага, багш нар байнга идэвх санаачилгатай ажилласаар ирсэн.
Гадаад хэлний сургууль
Ази судлалын тэнхим
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
