2025 оны 02 дугаар сарын 06-ны өдөр ОХУ-ын Буриадын их сургуулийн ректор профессор Алдар Дамдинов, проректор Виктория Номогоева, профессор Евгений Иванович Лиштованный, Ариуна Галданова нарыг ШУТИС-ийн ректор Т. Намнан хүлээн авч уулзлаа.
Уулзалтын үеэр 2025 оны 7 дугаар сард зохион байгуулагдах Монгол, ОХУ-ын их, дээд сургуулиудын ректоруудын анхдугаар форумыг зохион байгуулах ажлыг хэлэлцэх, форумын товыг тохирох, ажлын хэсгийн үйл ажиллагааны талаар санал солилцлоо. Уг форум нь Монгол, ОХУ-ын их, дээд сургуулиудын хамтын ажиллагааг өргөжүүлэн хөгжүүлэх чухал ач холбогдолтой юм.
Зочдыг мөн Эрдэм шинжилгээ, технологи эрхэлсэн проректор Д. Цолмонбаатар хүлээн авч уулзан, хоёр их сургуулийн хамтын ажиллагааг сэргээн хөгжүүлэх, хамтарсан судалгаа, эрдэм шинжилгээний өгүүлэл хамтран хэвлүүлж ажиллах талаар санал солилцлоо. 2025 оны 6 болон 9 дүгээр саруудад ШУТИС дээр зохион байгуулагдах Олон улсын эрдэм шинжилгээний хуралд БУИС-иас хамтран оролцохыг урилаа.
ГАДААД ХАРИЛЦААНЫ АЛБА
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
