2024 оны 11-р сарын 4-8-ны өдөр МУИС, ШУТИС дээр Европын холбооны санхүүжилттэй АРТЕСТ төслийн хүрээнд зохион байгуулж буй “Digital Humanities Mongolia - 2024” олон улсын эрдэм шинжилгээний хурал боллоо.
Хурлыг Японы International Institute for Digital Humanities хамтран санхүүжүүлж дэмжлэг үзүүлсэн ба Prof. Kiyonori Nagasaki зочин илтгэгчээр илтгэл тавьсан.
АРТЕСТ төсөл нь 2021-2025 оны хооронд хэрэгжиж буй төсөл бөгөөд Монгол Улсын хүмүүнлэгийн ухааны боловсролыг Европын стандарт, судалгаа, практикт нийцүүлэн шинэчлэх, судалгаа, боловсролын дижитал аргыг нэвтрүүлэх замаар хөдөлмөрийн зах зээлийн сүүлийн үеийн чиг хандлагад нийцүүлэн сайжруулах зорилготой юм. Төслийн хамтрагчаар Монгол Улсаас МУИС, ШУТИС, СУИС, Хүмүүнлэгийн ухааны их сургууль, Отгонтэнгэр их сургууль ажиллаж байна.
Олон улсын хуралд Грек, Итали, Герман, Кипр, Япон, Монголын дижитал хүмүүнлэгийн ухааны салбарын эрдэмтэн судлаачид оролцож олон сонирхолтой илтгэл хэлэлцүүллээ.
Дижитал хүмүүнлэг гэсэн ойлголт нь технологи, хүний бүтээлч байдал, соёлын өв гүн гүнзгий огтлолцдог өвөрмөц салбар бөгөөд энэ удаагийн хуралд дижитал урлаг, соёлын өв, хүн судлал, археологи, сурган хүмүүжүүлэх ухаан зэрэг олон салбар, чиглэлийн эрдэмтэд оролцож өгөгдөл олборлох, дижитал архив, хиймэл оюун ухаан зэрэг шинэ технологиуд нийгэм, хүмүүнлэгийн ухааны салбарт эрдэм шинжилгээ, судалгааны олон шинэ чиглэл үүсгэж буйг онцолж байв.
“Digital Humanities Mongolia 2024” олон улсын эрдэм шинжилгээний хурал шинэ үеийн, шинэ технологийн тусламжтайгаар урьд өмнө ашиглагдаж, хэрэглэгдэж байгаагүй арга хэлбэр, агуулгаар түүхийг ярьж, соёлын өвийг хадгалж, хүний зан үйлийг тодорхойлох боломжуудыг харуулсан үйл явдал боллоо.
Шинжлэх Ухаан Технологийн Их Сургууль
Dipartimento Ingegneria Civile e Architettura Dicar - Unict
Монгол Улсын Их Сургууль /The National University of Mongolia/
International Hellenic University/Διεθνές Πανεπιστήμιο της Ελλάδος
University of the Humanities - Хүмүүнлэгийн Ухааны Их Сургууль
Отгонтэнгэр их сургууль/Otgontenger university
Unesco Chair on Digital Cultural Heritage
--->Виртуал лабораторийн хэрэглээ
--->Дугуй ширээний уулзалт
--->Оюутан солилцоо, мини төслийн тайлан
ШУТИС-ийн НЭЭЛТТЭЙ БОЛОВСРОЛЫН ТӨВ
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
