ШУТИС, БНСУ-ын Олон улсын хамтын ажиллагааны байгууллага КОЙКА болон Какао Энтерпрайз компаниудын хамтран хэрэгжүүлж буй төслийн хүрээнд “Үүлэн технологийн мэргэжилтэн бэлтгэх” сургалт явагдаж дууслаа. ШУТИС-ийн МХТС-ийн 20 оюутан цахим, танхим хосолсон сургалтыг амжилттай дүүргэж, Какао Энтерпрайзын сертификатыг 2024 оны 10 сарын 9-ний өдөр гардан авлаа. Какао Энтерпрайз нь БНСУ-ын мэдээллийн технологийн тэргүүлэгч компани болох Какао корпорацын нэгж бөгөөд ажлын байрны бүтээмж, үр ашгийг дээшлүүлэх хиймэл оюун ухаан, үүлэн технологийн чиглэлийн платформ нийлүүлэгч юм. Төслийн сургалтад хамрагдсан оюутнуудаас шалгарсан шилдэг 5 оюутан БНСУ-д уригдаж Какао Энтерпрайз компанид 6 долоо хоногийн турш хөгжүүлэлтийн практик дадлага хийх бөгөөд Опенстайк (OpenStack) болон Кубернетс (Kubernetes) суурьтай үүлэн орчин байгуулах чиглэлээр ажиллах юм.
Төслийг эхлүүлэхдээ ЦХИХХЯ, Үндэсний дата төв, Мэдээллийн технологийн үндэсний парк зэрэг байгууллагуудтай уулзаж судалгаа хийсний үндсэн дээр Солонгос-Монгол хоёр улсын үүлэн технологийн мэргэжилтнүүд хамтран Монгол улс, бүс нутгийн түвшний Эдж клауд (Edge Cloud) платформыг хөгжүүлэхээр төлөвлөж байна. Энэхүү платформ нь их хэмжээний өгөгдлийг төвлөрсөн байдлаар боловсруулдаггүй, харин өгөгдөл үүссэн хэсгийн ойролцоо нь (эдж) бодит цаг хугацаанд боловсруулдаг арга юм. Сургалтад хамрагдсан нийт оюутнууд төслийг хэрэгжүүлэх хүний нөөц болох бөгөөд тэдний төлөөлөл болон БНСУ-д дадлага хийхээр шалгарсан оюутнууд их зүйлийг сурч Монгол улсад үүлэн технологийн экосистемийг бий болгох сайн инженерүүд болно гэдэгт итгэж байна.
ШУТИС-МХТС
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
