1973 оноос газрын доорх ус судалдаг Гидрогеологи мэргэжил, инженерийн байгууламжийн суурийн судалгаа хийдэг Инженер геологи, геотехник мэргэжлээр үндэсний боловсон хүчин бэлтгэж байгаа билээ. Сүүлийн жилүүдэд байгалийн шинжлэх ухааны чиглэлээр суралцагчдын тоо эрс багасаж байгаа үед төгсөгчид, мэргэжлийн холбоод, хамтран ажилладаг байгууллагууд нэрэмжит тэтгэлэг зарлан өөрсдийн ирээдүйн боловсон хүчнийг бэлтгэж байна.
Гидрогеологи, Инженер геологи, геотехник мэргэжлийн шинэ элсэгчдэд тэтгэлэг гардуулах үйл ажиллагаа 2024 оны 10 сарын 15-ны өдөр боллоо. 2024-2025 оны хичээлийн жилд шинээр элссэн 46 оюутнуудаас 7 оюутанд тэтгэлэг гардуулав. Профессор Марк Гольц, түүний гэргий Мисүк Гольц нарын тэтгэлэг, Сойл инженеринг ХХК, Лэнд тест ХХК, Монголын Барилгын Инженер Геологичдын холбооны нэрэмжит тэтгэлгүүд, Бадрах энержи ХХК-ны орон нутгийн тэтгэлэг, Өмнөговь аймгийн Засаг даргын үйл ажиллагааны "Нутгийн хишиг" хөтөлбөрийн тэтгэлгүүд байлаа.
Усны нөөцийн 90%-ийг газрын доорх уснаас хэрэглэдэг Монгол орны хувьд Гидрогеологи мэргэжлээр суралцагчдын тоо цөөрч байгаад санаа зовнисон АНУ-ын иргэн Марк Гольцын гэр бүлийн тэтгэлэг онцлог байв. 2019 онд Фулбрайтын Эрдэмтний хөтөлбөрөөр ШУТИС-ийн ГУУС-д ажилласан профессор Марк Гольцын гэр бүлийн “Марк, Мисукийн тэтгэлэг”-т 2 шинэ оюутны 4 жилийн сургалтын төлбөр болон амжилттай суралцагч оюутнуудын англи хэлний сургалтын төлбөр багтсан байлаа.
Тэтгэлэг гардуулах үйл ажиллагаанд ШУТИС-ийн Сургалтын бодлого, хөтөлбөрийн албаны дарга М.Эрдэнэтуяа, АНУ-ын Элчин сайдын яамны Олон нийттэй харилцах албаны Төгсөгч болон мэргэжилтний хөтөлбөр хариуцсан ажилтан Б.Цэрэндагва, ГУУС-ийн СЧА-ны дарга Г.Өлзийсайхан, МБИГХ-ны ерөнхийлөгч Л.Ганзориг, “Бадрах Энержи” ХХК-ийн Орон нутгийн харилцаа, хамтын ажиллагаа хариуцсан менежер Г.Энхтулга, “Лэнд тест” ХХК-ийн менежер С.Гантулга нар оролцов.
Ирээдүйн инженерүүдэд оюуны хөрөнгө оруулалт хийсэн Та бүхэнд ажлын өндөр амжилт хүсэн ерөөе.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
