ШУТИС-ийн 65 жилийн ойг угтаж 2024 оны 9 сарын 25-аас 2024 оны 10 сарын 01-ний өдрүүдэд МХТС-ийн судалгааны баг, лабораториудын нээлттэй өдөрлөгийг зохион байгууллаа. КОЙКА-ийн санхүүжилттай хэрэгжиж байгаа “ШУТИС-ийн МХТС-ийн чадавхыг сайжруулах” төслийн хүрээнд байгуулагдсан сургалт, судалгааны зориулалттай 10 лабораторио түшиглэн судалгааны багуудыг тус сургууль дээр байгуулан ажиллаж байгаа билээ.
Энэхүү өдөрлөгийн зорилго нь магистр, докторын хөтөлбөрт шинээр элсэгчид, бакалаврын өвөл болон хавар төгсөх оюутнуудад судалгааны баг, лабораториудыг таниулах, судалгааны сэдэв, удирдагч багшаа сонгоход туслах, судалгааны багийн үйл ажиллагааг идэвхжүүлэх юм. Мөн бакалаврын шинээр элсэгчид болон нийт оюутнуудад судалгааны баг, лабораториудыг таниулах, өөрсдийн сонирхсон судалгааны чиглэлээ олж авахад туслах юм.
Өдөрлөгийн хүрээнд шинээр элсэн орсон оюутнуудад сургуулийн талаарх танилцуулга хийгдэж судалгааны багууд өөрсдийн багийн зорилго, судалгааны чиглэл, хүрсэн үр дүн, үйл ажиллагааныхаа талаар постер бэлтгэн байрлуулж танилцуулга хийсэн ба сонирхсон оюутнууд судалгааны баг, лабораториудын гаргасан хуваарийн дагуу танилцан илүү дэлгэрэнгүй мэдээлэл авах боломжтой байв. Бакалаврын төгсөх курсийн оюутнууд эртнээс судалгааны чиглэл, сэдвээ сонгосноор тэдний төгсөлтийн ажлын чанар сайжрах, ахисан түвшний оюутнууд судалгааны ажлаа лабораторид судалгааны багт хийснээр үр дүнтэй судалгааны ажлууд хийгдэнэ гэдэгт итгэж байна.
МХТ-ийн Ахисан түвшний салбар, Судалгааны багууд
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
