2024 оны 09 сарын 06-ны өдөр ШУТИС, БНСУ-ын Инчеоны Үндэсний их сургуультай (ИҮИС) хамтран ажиллах Стратегийн түншлэлийн гэрээнд ШУТИС-ийн Ректор Т.Намнан, ИҮИС-ийн Ректор Пак Жон-Таэ нар гарын үсэг зурлаа.
Тус ёслолын ажиллагаанд Ректор Т.Намнан, ГХНТА-ны дарга Т.Ууганбаяр, ГХТНА-ны ахлах мэргэжилтэн Г.Батзориг, МехТС-ийн захирал Н.Пүрэвдорж, ЭНБДарга Б.Дондогжамц, Тээврийн салбарын эрхлэгч И.Базаррагчаа, дэд профессор С.Ариунбаяр, Ж.Азжаргал, ИҮИС-ийн Ректор Пак Жон-Таэ, Байгалын шинжлэх ухааны сургуулийн захирал Ким Жунхо, Гадаад харилцааны дарга Шим Минсук, Тээврийн ахисан түвшний сургуулийн профессор Шин Гвансук, Физикийн тэнхимийн профессор Д. Одхүү, Гадаад харилцааны захирал Пак Санбёон, Ректорын нарийн бичгийн дарга Ким Кванви нар оролцлоо.
Энэхүү Стратегийн түншлэлийн хүрээнд ИҮИС-ийн Ахисан түвшний сургуульд ШУТИС-ийн магистр, докторын 5 оюутанг богино хугацааны сургалтанд тэтгэлэгтэй суралцуулах бөгөөд 3 багш, ажилтанг солилцооны хөтөлбөрт жил бүр хамруулна. Мөн ИҮИС-ийн Элчин хөтөлбөрт жилд 3 оюутанг сонгон авч тус бүр 1100 ам.долларын тэтгэлэг олгож тус их сургуулийг төлөөлөн олон нийтэд сурталчилах, танилцуулага хурал, өдөрлөгт оролцож ИҮИС-ийн оюутнуудтай хамтран ажиллана. Хамтарсан эрдэм шинжилгээний судалгаа хийх, хамтарсан төсөл хэрэгжүүлэх, хурал, семинар, сургалт зохион байгуулахаар тохиролцов.
Гадаад харилцаа, нийгмийн түншлэлийн алба
БНХАУ-ын Цинхуа их сургуулийн дэд захирал Ян Бин тэргүүтэй төлөөлөгчдийг хүлээн авч уулзлаа.
Багш нарын баярын өдөр ШУТИС-ийн шилдэг багш, ажилтнуудад шагнал гардуулах ёслол боллоо
ШУТИС-д MJEED төслийн 10 жилийн үр дүнг дүгнэх симпозиум зохион байгуулагдаж байна
Япон улсын Кумамото их сургуультай хамтарсан “ХЭРЭГЛЭЭНИЙ МАТЕМАТИК” бакалаврын 2.5+2 сургалтын хөтөлбөрийн гэрээг баталлаа
Н.Эрдэнэхүү: ”1000 инженер” төслийн хүрээнд суралцсан төгсөгчид бүгдээрээ эх орондоо ажиллаж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
