АНЭУ-ын Абу Даби хотод Жюү жицүгийн Ази тивийн аварга шалгаруулах тэмцээн эдгээр өдрүүдэд зохион байгуулагдаж байна. Ази тивийн аварга шалгаруулах Жюү жицүгийн тэмцээний монголын U21 ангиллын анхны тэмцээний -63кг жинд барилдсан Шинжлэх ухаан, технологийн их сургуулийн Үйлдвэрлэлийн технологийн сургуулийн Хүнсний чанар аюулгүй байдал мэргэжлийн 2 дугаар дамжааны оюутан Э.Халиун алтан медалийн эзэн боллоо.
Э.Халиун финалын барилдаанд АНЭУ-ын тамирчинтай ур чадвараа сорьж ялжээ. Монголын Жюү жицүгийн U21 ангиллын анхны Ази тив аваргын алтан медалийг хүртэж байна.
Түүнчлэн оюутан Э.Халиун нь АбуДаби хотноо болсон “Abu Dhabi Grand Slam” Жюү жицүгийн их дуулга тэмцээний хөх бүсний -62кг жинд барилдаж мөнгөн медаль хүртсэн амжилтыг тус тус үзүүллээ. Тус Жюү жицүгийн их дуулга тэмцээнд манай улсын 55 тамирчин дэвжээнд гарч өрсөлдсөн байна.
Эх орон, их сургуулийн нэр хүндийг олон улсад өндөрт өргөсөн ШУТИС-ийн оюутан, Жюү жицүгийн Ази тивийн аварга Э.Халиун танд их сургуулийн нийт хамт олны нэрийн өмнөөс баяр хүргэж, спортын өндөр амжилт хүсэн ерөөе.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
