Багш, ажилчдын бие бялдрын хөгжил, эрүүл амьдрах хэв маягийг дэмжих, төгсөгчдийн эргэх холбоог сайжруулах, залуучууд, оюутнуудын чөлөөт цагийг зөв боловсон өнгөрүүлэх зорилгоор ШУТИС-ийн ГХС-ийн “Багш, ажилтан, төгсөгчдийн гар бөмбөгийн нөхөрсөг тэмцээн”-ийг япон хэлний ангийн 2004 оны төгсөгчид, япон хэлний багийн багш нартай хамтран 2024.05.04-ний өдөр амжилттай зохион байгууллаа.
Тус тэмцээнд төгсөгч, багш ажилтны холимог нийт 8 баг өрсөлдсөнөөс тэргүүн байранд “Хятад хэлний баг”, дэд байранд “Солонгос хэлний 1-р баг”, гутгаар байранд “Англи-орос хэлний 2003 оны төгсөгчдийн баг”, тусгай байранд “Солонгос хэлний 2 -р баг” тус тус шалгарч, өргөмжлөл, мөнгөн шагналаар шагнагдлаа.
Ирэх жилийн тэмцээнийг Солонгос хэлний ангийн төгсөгчид өөрсдийн нэрэмжит болгон зохион байгуулах эрх олгох батламжийг ГХС-ийн захирал Ц.Энхбаатар тэмцээний хаалтын үеэр гардуулав.
Дурсамж дүүрэн инээд хөөрөөр цалгисан үе үеийн төгсөгчид, багш ажилтан, дэмжиж ажилласан оюутан залуус, зохион байгуулсан та бүгддээ чин сэтгэлийн талархал илэрхийлж, цаашдын ажил үйлс, хичээл сурлагад нь өндөр амжилт хүсье!
Ази судлалын салбарын япон хэлний 2004 оны төгсөгчид, багийн хамт олон
Ө.Буянхишиг "5G сүлжээний төхөөрөмж хоорондын холбооны нөөц хуваарилалтыг бататгах сургалтын аргаар оновчлох нь" сэдвээр докторын зэрэг хамгааллаа
М.Цэцэнцэнгэл “Хиймэл оюунд суурилан нийтийн тээврийн сүлжээний хүртээмжийг загварчлах нь” сэдвээр докторын зэрэг хамгааллаа
Япон улсын их, дээд сургуулиудын судлаач, профессоруудыг хүлээн авч уулзан, талархал илэрхийлэв
Ахмад настанд зориулсан миниволейболын улсын аварга шалгаруулах тэмцээнд оролцлоо
ШУТИС-ийн оюутнууд БНХАУ-ын ШАНЬДУН ШУТИС-д хятад хэлний зуны сургалтад хамрагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
