БНСУ-ын Олон улсын хамтын ажиллагааны байгууллага КОЙКА болон Какао Энтерпрайзын судалгааны баг “Монгол улсад үүлэн технологийн экосистемийг хөгжүүлэх” төслийн төлөвлөлтийн судалгааг хийх зорилгоор Монгол улсад хүрэлцэн ирж ЦХХЯ, IT парк, Үндэсний дата төв, ШУТИС-тай танилцлаа. Энэхүү судалгааны баг 2024 оны 1-р сарын 25-ний өдөр ШУТИС-т зочлон ирж ШУТИС-ийн удирдлага, профессор багш нартай төслийн төлөвлөгөө, хэрэгжилт, цаашдын хамтын ажиллагааны талаар саналаа солилцлоо. Уг уулзалтын үеэр ШУТИС-ийн захирал Т.Намнан Монгол улсад үүлэн технологийн экосистемийг бүрдүүлэх болон холбогдох хүний нөөцийн чадавхыг бэхжүүлэхэд бүх талаар дэмжин хамтран ажиллахаа илэрхийлсэн бол Какао Энтерпрайзын зүгээс үүлэн технологийн талаарх өөрсийн мэдлэг, туршлагаа Монголын залуустай хуваалцахад бэлэн байгаагаа илэрхийллээ. Төслийг эхлүүлэхэд идэвх чармайлт гарган ажиллаж байгаа Какао Энтерпрайзын клауд багийнхан болон ахлах судлаач Н.Жаргалсайханд гүнээ талархал илэрхийлж, цаашдын ажилд нь амжилт хүсье.
Какао Энтерпрайз нь КakaoTalk мессежний програм болон бусад олон төрлийн дижитал үйлчилгээгээрээ алдартай БНСУ-ын мэдээллийн технологийн тэргүүлэгч компани болох Какао корпорацын нэгж бөгөөд ажлын байрны бүтээмж, үр ашгийг дээшлүүлэхээр мессеж, хиймэл оюун ухаан, үүлэн технологийн чиглэлийн платформ нийлүүлэгч юм. Энэхүү төсөл амжилттай хэрэгжиж Монгол улсад үүлэн технологийн олон давуу тал бий болно гэдэгт итгэж байна.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
