Математикийн шинжлэх ухааны доктор (Sc.D), Профессор, Академич, Төрийн соёрхолт Рэнцэнгийн Энхбат ШУТИС-ийн Эрдэмтэн багш, судлаач нарт зориулан “Хиймэл Оюун Ухаан Ба Математик”, “Support Vector Machines” гэсэн сэдвээр сонирхолтой лекц хэлэлцүүллээ. Энэ лекцээрээ Хиймэл оюун ухааны түүх, өнөөгийн болон ирээдүйн чиг хандлага ямар түвшинд байгааг танилцууллаа. Цаашилбал энэ салбар шинжлэх ухаан нь Математикийн салбар шинжлэх ухаан Оновчлолын онолтой хэрхэн уялдан холбогдож байгаа талаарх сонирхолтой судалгаа, баримтуудыг хуваалцлаа. Мөн түүнчлэн “Хиймэл оюун ухаан нь хүний тархины үйл ажиллагааг бүрэн загварчилж, хүнээс ухаантай болж, хүн төрөлхтөнд аюул учруулж болох уу гэсэн асуулт тавигдсаар байгаа юм. Үүний хариу болгож Роджерс Пенроуз математикийн аксиомуудын дурын систем гүйцэд биш байх тухай Гёделийн теоремыг ашиглан хүний уураг тархи ба компьютерын хоорондын зарчмын ялгааг харуулсан юм. Өөрөөр хэлбэл, логик схемээр хязгаарлагдсан компьютер нь тооцоолон гүйцэтгэх талаараа хүнээс илүү чадвартай байдаг ч хүний уураг тархины бүхий л үнэнийг гүйцэд мэдэх, шийдвэр гаргах чадвартай байх ямар ч боломжгүй” гэдгийг баталсан сүүлийн үеийн эрдэмтдийн сонирхолтой судалгаануудыг онцлон танилцууллаа.
Судлаач, Эрдэмтэн Р.Энхбат профессорынхоо цаашдын судалгааны ажилд өндөр амжилт хүсэн ерөөе.
ЖАЙКА байгууллагын ХАА, шим тэжээлийн ахлах зөвлөх Накада.Ш-ийн “Японы ХАА ба хоршооны туршлага” сэдэвт нээлттэй лекц зохион байгуулав
“Сэргээгдэх эрчим хүчний туршилт, судалгааны лаборатори” байгуулах гэрээнд гарын үсэг зурах үйл ажиллагаа боллоо
“Оюутны хавар-2024” тайлан тоглолт амжилттай болж өндөрлөлөө
ГУУС-ийн доктор (Ph.D) Б.Ишмэндийн нэрэмжит бакалавр оюутны эрдэм шинжилгээний 50 дахь бага хурал
Үндэсний НОМЫН БАЯР арга хэмжээ 2024.05.17-2024.05.19-ны өдрүүдэд Сүхбаатарын талбайд болно.