БНСУ-ын ЭСЯ-ны ивээл дор Монголын их дээд сургуулиудын солонгос хэл суралцагч оюутнуудын дунд зохион явуулдаг спортын нөхөрсөг тэмцээн 2023.11.25-ны өдөр Этүгэн их сургууль дээр болж өндөрлөлөө. 9 дэх жилдээ зохион байгуулагдаж буй тус тэмцээн эрэгтэй, эмэгтэй гар бөмбөг, багийн олс таталт, багш нарын нөхөрсөг тэмцээн гэсэн 4 төрлөөр боллоо.
ШУТИС-ийн хувьд ГХС-ийн солонгос хэлний техник технологийн орчуулагчийн анги, Ерөнхийлөгчийн илгээлт 2100 хөтөлбөрийн оюутнууд болон МХТС, МеТС, БУХС-ийн 2+2 хөтөлбөрийн ангийн оюутнуудын хамтарсан багаар уг тэмцээнд оролцдог уламжлалтай. МУИС-ШУС, ХЗС, МУБИС, Отгонтэнгэр ИС, Хүрээ дээд сургууль, ОУУИС, ХУИС, МҮИС-ийн хүчирхэг багуудаас ШУТИС-ийн оюутнуудын хувьд эрэгтэй гар бөмбөгийн төрлөөр хүрэл медаль, эмэгтэй гар бөмбөгийн төрлөөр шагналт 4-р байр эзэлсэн бол багийн олс таталтын төрлөөр алтан медаль хүртсэн байна.
Тэмцээнд оролцогч оюутнуудыг амжилт гаргахад бүх талаар дэмжин ажилласан ГХС-ийн захиргаа болон бэлтгэл хийх спорт заалаар хангаж өгсөн МХТС, БУХС, МеТС-ийн удирдлага хамт олонд талархал илэрхийлье. Тэмцээнд оролцож буй оюутнуудаа байнга дэмжиж идэвхжүүлж байсан бүрэлдэхүүн сургуулийн зөвлөх багш нарт талархахын ялдамд тэмцээнд идэвхтэй оролцсон ШУТИС-аар овоглосон оюутнууддаа сурлага, спортын өндөр амжилт хүсье.
ГХС-ийн Ази судлалын салбар
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
