“Шинжлэх ухааны ажилтны өдөр”-ийн хүрээнд 11 сарын 27-ны өдөр зохион байгуулагдсан "Шинжлэх ухаанд итгэе" уриатай "ШУТИС-ийн Эрдэм шинжилгээ, инновацын Нээлттэй өдөрлөг"-ийн үеэр Шинжлэх ухаан, технологийн их сургууль, “Юргана индастри” ХХК-тай хамтран ажиллах санамж бичиг байгууллаа.
Санамж бичигт Шинжлэх ухаан, технологийн Эрдэм шинжилгээ, технологийн газрын захирал доктор, профессор Д.Цолмонбаатар, "Юрганы Индастри" ХХК-ийн захирал Б.Чанцалдулам нар гарын үсэг зурлаа.
Шинжлэх ухаан, технологийн их сургууль нь "ШУТИС-2030" хөгжлийн стратеги, бодлогын бичиг баримтадаа “Их сургууль – Аж үйлдвэр”-ийн хамтын ажиллагааг хөгжүүлж эрдэм шинжилгээ, судалгааны үр дүнг үйлдвэрлэл, хэрэглээнд нэвтрүүлэх, инновацын түншлэлийг бэхжүүлэх талаар томоохон зорилтыг дэвшүүлэн ажиллаж байгаа билээ. Энэ удаагийн арга хэмжээ нь дээрх зорилтын хүрээнд хийгдаж буй ажлуудын нэг юм.
ШУТИС-ийн Инновац, технологи дамжуулалтын төвөөс Юргана Индастри ХХК-тай хамтран “Lab Tour” арга хэмжээг зохион байгуулж хамтран ажиллах боломжуудаа тодорхойлсон юм.
“Юргана индастри” ХХК нь эх орны түүхий эдэд суурилан гоо сайхан, ахуйн инновацын бүтээгдэхүүн үйлдвэрлэгч Urgana брэндийг хөгжүүлэгч компани юм. Тус компанийг үндэслэгч нь Монгол улсын уламжлалт анагаах ухааны нэрт эрдэмтэн, хүний гавьяат эмч, доктор П.Баатар бөгөөд уламжлалт жор технологийг орчин үеийн техник технологи, их сургуулийн эрдэмтэн судлаачдын мэдлэг, лабораторийн туршилт судалгааны үр дүнтэй хослуулан шинэ төрлийн бүтээгдэхүүнийг зах зээлд гаргах, улмаар цаашид хамтран гарааны компани хөгжүүлэх зорилгыг санамж бичигт тусгалаа.
Шинжлэх ухаанд итгэн, эрдэм мэдлэгийг дээдлэгч аж ахуйн нэгж та бүхэнд амжилт хүсье !
#ШинжлэхУхаандИтгэе #Buildingtrustinscience #UniversityIndustry
ШУТИС-ИЙН ИННОВАЦ, ТЕХНОЛОГИ ДАМЖУУЛАЛТЫН ТӨВ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
