Монгол улс жилийн бүрийн 11 дүгээр сарын сүүлийн 7 хоногийг шинжлэх ухааныг түгээн дэлгэрүүлэх "Шинжлэх ухааны ажилтны өдөр"-үүд болгон тэмдэглэдэг. Тус үйл ажиллагааны хүрээнд ШУТИС-ийн Эрдэм шинжилгээ, технологийн газраас "Шинжлэх ухаанд итгэе" уриа дэвшүүлэн "ШУТИС-ийн Эрдэм шинжилгээ, инновацын Нээлттэй өдөрлөг"-ийг 11 сарын 27-ны өдөр зохион байгууллаа.
Өдөрлөгийн үйл ажиллагаа:
Тус арга хэмжээнд Боловсрол, шинжлэх ухааны яам-ны ШУТБИХЗГ-ын дарга доктор, дэд профессор Д.Баттогтох, Шинжлэх Ухаан, Технологийн Сан-гийн захирал доктор Д.Одгэрэл Шинжлэх ухаан, технологийн их сургуулийн удирдлагын бүрэлдэхүүн болон шилдэг судлаач, эрдэмтэн багш нар, аж ахуй нэгж, бизнесийн байгууллагууд оролцлоо. Шинжлэх ухаан технологийн их сургуулийн Эрдэм шинжилгээ, технологийн газрын захирал доктор, профессор Д.Цолмонбаатар арга хэмжээг нээж хэлсэн үгэндээ Шинжлэх ухаан, технологийн их сургууль цаашид "Шинжлэх ухааны ажилтны өдөр"-ийн хүрээнд эрдэм судлал, инновацын ажлаа дүгнэж, танилцуулах арга хэмжээ зохион байгуулж байх тухайгаа дурьдан арга хэмжээнд оролцогч зочид, нийт эрдмийн хамт олондоо "Шинжлэх ухааны ажилтны өдөр"-ийн баярын мэнд дэвшүүлж, их сургуулийн өнгөрсөн хичээлийн жилийн ололт, амжилтаас танилцуулав.
Арга хэмжээний үеэр ШУТИС-ийн багш, судлаачдын шилдэг бүтээл шалгаруулах "2IP-2023" уралдааны шилдэг бүтээлүүдэд "Research Excellence" медаль болон мөнгөн шагнал олгов. Нээлттэй өдөрлөгт ШУТИС-ийн харьяа хүрээлэн, бүрэлдэхүүн сургууль, нэгжүүдийн эрдэм шинжилгээ, судалгааны үр дүн, шилдэг бүтээл болон гарааны компанийн төслийн танилцуулга үзэсгэлэнд тавигдлаа. Мөн докторын зэргээ амжилттай хамгаалсан 10 төгсөгчдөд диплом гардуулсны зэрэгцээ аж үйлдвэр бизнесийн байгууллагатай сургалт, эрдэм шинжилгээ, инновацын хамтын ажиллагаа өрнүүлэх хамтран ажиллах санамж бичигт гарын үсэг зурсан зэрэг өргөн хүрээнд "Шинжлэх ухааны ажилтны өдөр"-ийг тэмдэглэн өнгөрүүллээ.
Та бүхэнд "Шинжлэх ухааны ажилтны өдөр"-ийн мэнд хүргэж эрдэм судлалын өндөр амжилт хүсэн ерөөе !
#ШинжлэхУхаандИтгэе #buildingtrustinscience
ШУТИС-ийн Эрдэм шинжилгээ, технологийн газар
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
