Шинжлэх ухаан, технологийн их сургуулийн дотоодын их сургуультай хамтран ажиллах, харилцан туршлага солилцох, төсөл хөтөлбөр хамтран хэрэгжүүлэх хүрээнд Үндэсний батлан хамгаалах их сургуультай хамтын ажиллагаагаа өргөжүүлэн ажиллаж байна. Энэ хүрээнд ШУТИС, ҮБХИС-ийн багш, удирдлагуудын дунд сагсан бөмбөг, волейбол, дарс, бильярд гэсэн дөрвөн төрлөөр спортын тэмцээн зохион байгууллаа. Тэмцээн Үндэсний батлан хамгаалах их сургуулийн спорт цогцолборт 2023 оны 10 дугаар сарын 28-ны өдөр болж хоёр сургуулиас 120 гаруй тамирчид оролцлоо.
Эмэгтэй волейболын төрөлд ШУТИС, эмэгтэй сагсан бөмбөг ҮБХИС, эрэгтэй волейбол ҮБХИС, эрэгтэй сагсан бөмбөг ҮБХИС, бильярд ШУТИС, дартс ҮБХИС-ийг баг тамирчид тус тус тэргүүллээ. Багийн нэгдсэн дүнгээр ҮБХИС-ийн баг тамирчид тэргүүлж өргөмжлөл мөнгөн шагналыг ШУТИС-ийн захирал Т.Намнан гардуулан өглөө. Харин ШУТИС-ийн баг тамирчдад ҮБХИС-ийн Сургалт, цэргийн алба хариуцсан тэргүүн дэд захирал Хурандаа Б.Энхзоргол өргөмжлөл, мөнгөн шагнал гардуулан өглөө. Тус тэмцээнийг хоёр сургуулийн багш ажилчдыг хооронд нөхөрлүүлэх, танилцуулах, нэгнээсээ туршлага солилцоход дөхөм болгох үүднээс зохион байгуулсан юм. Хоёр их сургуулийн хамтын ажиллагааны хүрээнд сургалт, эрдэм шинжилгээ болон бусад талаар хамтран ажиллах, харилцан туслалцах, ажлын туршлагаас харилцан суралцах, багш нарын мэргэжил, ур чадварыг дээшлүүлэх чиглэлд цаашид хамран ажиллана.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
