ШУТИС-ийн Үйлдвэрлэлийн технологийн сургуулийн Биотехнологи, шим тэжээлийн салбарын хамт олон хүнсний биотехнологи, хүнсний микробиологи, хүнсний хими технологи мэргэжлүүдээр мэргэжилтэн бэлтгэсний 20 жилийн ойн арга хэмжээг 2023 оны 10 дугаар сарын 06-нд зохион байгуулав. Тус арга хэмжээнд ахмад профессор багш, эрдэмтэн багш, төгсөгч нарын төлөөлөл хүрэлцэн ирж дурсамж дүүрэн нэг өдрийг хамтдаа өнгөрүүллээ.
ШУТИС-д Хүнсний биотехнологи мэргэжлийг 2000 онд анх нээсэн бөгөөд тухайн үед Хүнс биотехнологийн сургуульд Биотехнологийн тэнхимийг байгуулж 8 багштайгаар үйл ажиллагааг эхлүүлсэн юм. Хамгийн анх тус мэргэжлээр 30 оюутан элсэн орж амжилттай суралцаж төгссөн. Үүнээс хойш тус тэнхим хүнсний микробиологи, хүнсний хими технологи мэргэжлээр элсэлт авч, энэ хорин жилийн хугацаанд гурван мэргэжлээр нийт 550 гаруй мэргэжилтэн бэлтгэж, төгсөгчид нь монгол орны өнцөг булан бүрт ажиллаж байна.
Төгсөгчдийн хандиваар ҮТС-ийн сургалтын хоёр лабораторийг тохижуулсан болно. Ойн арга хэмжээний үеэр Үндэсний цэцэрлэгт хүрээлэнд төгсөгчдийн төгөл байгууллаа.
ҮЙЛДВЭРЛЭЛИЙН ТЕХНОЛОГИЙН СУРГУУЛЬ
БИОТЕХНОЛОГИ, ШИМ ТЭЖЭЭЛИЙН САЛБАР
ШУТИС 2197 төгсөгчдөө үдэж, “Эрдмийн баяр” төгсөлтийн ёслолоо зохион байгууллаа
Ө.Буянхишиг "5G сүлжээний төхөөрөмж хоорондын холбооны нөөц хуваарилалтыг бататгах сургалтын аргаар оновчлох нь" сэдвээр докторын зэрэг хамгааллаа
М.Цэцэнцэнгэл “Хиймэл оюунд суурилан нийтийн тээврийн сүлжээний хүртээмжийг загварчлах нь” сэдвээр докторын зэрэг хамгааллаа
Япон улсын их, дээд сургуулиудын судлаач, профессоруудыг хүлээн авч уулзан, талархал илэрхийлэв
Ахмад настанд зориулсан миниволейболын улсын аварга шалгаруулах тэмцээнд оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
