“Эрчим хүчний дамжуулалт, түгээлтийн инновацийн судалгаа” төслийн баг нь “Инженер, технологийн дээд боловсрол” төслийн хүрээнд “Innovation of Power Energy Transmission and Distribution” сэдэвт Монгол-Японы хамтарсан семинарыг 2023 оны 08 сарын 23-25-ны өдрүүдэд амжилттай зохион байгууллаа.
Тус семинарын үйл ажиллагаанд ШУТИС-ЭХС, Япон улсын их дээд сургуулиудын судлаачдаас гадна Монголын эрчим хүчний салбарын байгууллагуудын инженер техникийн ажилтнууд танхим, цахим хэлбэрээр идэвхтэй оролцож өөрсдийн хийж буй судалгаа, шинжилгээний ажлын үр дүнгүүдийг хэлэлцүүлж санал бодлоо солилцож харилцан туршлагаа хуваалцлаа. Тэдний дотор Токиогийн их сургуулийн Проф. Огимото Казүхико, Проф. Фүжии Такаши, Айчигийн их сургуулийн Проф. Года Тадахиро, Рюүкюүгийн их сургуулийн Проф. Канеко Эйжи, Кюүшүгийн технологийн дээд сургуулийн Проф. Оцука Шиняа, Токиогийн эрчим хүчний их сургуулийн Кошизука Тадаши, Мори Шунки, Күрүмэгийн технологийн дээд сургуулийн Проф. Харада Кацухико зэрэг 8 профессор судлаачид танхимаар биечлэн оролцсон ба Ашикагагийн их сургууль, Кюүшүгийн их сургууль, Сайтамагийн их сургууль, Күмамотогийн их сургууль, Гифүгийн их сургууль зэрэг их дээд сургуулиудын профессорууд цахимаар оролцон илтгэлээ амжилттай хэлэлцүүллээ.
Энэхүү хамтарсан семинарыг зохион байгуулахад гүн туслалцаа үзүүлсэн ЦДҮС ТӨХК, УБЦТС ТӨХК, Клин энержи ХХК, Клин энержи Ази ХХК-д гүнээ талархлаа илэрхийлэхийн ялдамд улс орны эрчим хүчний гал голомтыг бадрааж буй хамт олонд нь ажлын амжилт хүсэн ерөөе.
Мөн Оюу толгой ХХК, MMS Engineering LLC, Нийслэлийн засаг даргын тамгын газар, Эрчим хүчний зохицуулах хороо, Төмөр замын дээд сургууль, БЗӨБЦТС ТӨХК, Ус сувгийн удирдах газар, Эрдэнэт үйлдвэр ТӨҮГ зэрэг Монгол улсын эрчим хүчний салбарын байгууллагууд өөрсдийн инженер техникийн ажилтнуудаа семинарт оролцуулж хамтран ажилласанд талархлаа илэрхийлье.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
