2023 оны 7-р сарын 5, 6-ны өдрүүдэд ШУТИС-ийн Эрчим хүчний сургууль дээр БНСУ-ын Мекару Энержи группын зочид төлөөлөгчид айлчиллаа. Энэ айлчлалын үеэр Эрчим хүчний сургууль болон Мекару Энержи групп сэргээгдэх эрчим хүчний чиглэлээр хамтран ажиллах төслийн гэрээнд гарын үсэг зурав. Тус компани нь БНСУ-таа хагас дамжуулагч, нарны фотоцахилгаан үүсгүүрийн шинэ технологи хөгжүүлэлт (CIGS/Perovskite/Tandem/transparent PV cells), үйлдвэрлэлийн чиглэлээр салбартаа тэргүүлэгч компани юм.
Энэхүү хамтарсан төслийн хүрээнд тус компанийн шинэ технологи хөгжүүлэлтээр үйлдвэрлэсэн BIPV(Builting Integrated PV) буюу барилга байгууламж, хүлэмжид суурилуулан ашиглах боломжтой хагас гэрэлтдэг CIGS (нимгэн үеийн технологи) нарны фотоцахилгаан үүсгүүр бүхий бие даасан батарей системийг суурилуулан, судалгаа хөгжүүлэлтийг хийх юм.
Хэнтий аймгийн Цэнхэрмандал сумд байрлах Эрчим хүчний сургуулийн “Сэргээгдэх эрчим хүч, үйлдвэрийн экологийн сургалт-судалгааны полигон”-д суурилуулна.
Энэхүү хамтарсан төслийн хүрээнд Мекару Энержи компанийн зүгээс магистрантур, докторантурын оюутнуудад судалгааны тэтгэлэг олгох, бакалаврын оюутны хувьд БНСУ дахь өөрийн үйлдвэрт богино хугацааны дадлага хийх боломжуудыг олгож байгаагаараа онцлог юм.
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
