Оюутны хөгжил, соёл, үйлчилгээний алба, БуХС-ийн хүмүүнлэгийн салбар хамтран 2023 оны 05 дүгээр сарын 02-нд ШУТИС-ийн Урлаг танхимд соёл судлалын хичээл үзэж буй ШУТИС, МУИС-ийн оюутнуудын дунд сонгодог хөгжмийн өдөрлөгийг зохион байгууллаа.
Тус өдөрлөг нь 2002 оноос эхлэн ШУТИС-ийн нийт бүрэлдэхүүн сургуулийн оюутнуудын дунд явагдсаар өдгөө 21 дахь удаагаа зохиогдож байна. Энэ хугацаанд 3100 гаруй оюутнууд оролцож авьяас чадвараа сорин амжилттай зохион байгуулагджээ. Тэмцээнийг нээж БуХС-ийн хүмүүнлэгийн ухааны салбарын эрхлэгч, доктор, дэд профессор Ц.Батцэрэн, чанарын менежер, соёл судлалын багш доктор, дэд профессор Д.Наранцацрал нар мэндчилгээ дэвшүүлсэн юм.
Мөн БуХС-ийн хүмүүнлэгийн ухааны салбарын ахлах багш, биет бус соёлын өвлөн уламжлагч доктор А.Ариунболд МАУД Нарийн сайхан хээр, Эр бор харцага дуугаар мэндчилгээ дэвшүүлэв.
Энэ удаагийн “Сонгодог хөгжмийн өдөрлөг-2023”-т Улсын дуурь бүжгийн эрдмийн театр дэмжин оролцон сонгодог уран бүтээлүүдийг ШУТИС-ийн оюутан залуус, хүрэлцэн ирсэн зочдод толилуулсан юм.
Тус тэмцээний зорилго нь ШУТИС-ийн оюутнуудад соёл, урлагийн мэдлэг олгох, хөгжмийн боловсролыг дээшлүүлэх, сургуулиас зохион байгуулж буй үйл ажиллагаанд улам идэвхтэй оролцоход оршино.
21 дахь удаагийн “Сонгодог хөгжим-2023” тэмцээнд 1-р байранд МУИС, 2-р байранд ШУТИС баг амжилттай оролцон өргөмжлөл дурсгалын зүйлээр шагнууллаа.
Тэмцээнд оролцогч оюутнууд Дэлхийн болон Монголын сонгодог хөгжмийн зохиолчдын уран бүтээлээс сонсон, өөрсдийн оюуны ур чадвараа сорин өрсөлдөж, ШУТИС-ийн ОХСҮА-ны мэргэжилтэн МУСТА Ц.Болдбаатар ая дуугаа өргөн, хөтлөн явууллаа.
21 дахь удаагийн “Сонгодог хөгжим-2022” тэмцээний шүүгчээр ШУТИС, БУХС, Чанарын менежер, доктор, дэд профессор Д.Наранцацрал, УДБЭТ-ын менежер Н.Отгонжаргал, ОХСҮА-ны ахлах мэргэжилтэн, доктор, дэд профессор Д.Цогзолмаа, МУИС, ШУС, Философийн тэнхимийн дэд профессор, соёл судлалын багш, доктор Б.Дэлгэрмаа нар ажиллалаа.
Соёл судлалын хичээлийг үзэж буй ШУТИС-ийн оюутнууд сонгодог хөгжмийн зохиолуудыг чадамгай тааж байгаа нь бахархалтай байна
Оюутны хөгжил, соёл, үйлчилгээний алба
“Залуучуудын хөдөлмөр эрхлэлтийн форум” YEF 2025 боллоо
“Хятад хэлний уран уншлага” уралдаан
“ШУТИС-ТУР” амжилттай зохион байгуулагдлаа
“Байгаль, эх дэлхийгээ хамгаалъя” нөлөөллийн аян 2025 сургалт боллоо
ШУТИС-ийн оюутны байрны ажилтан, албан хаагчдад “Байгууллагын соёл, ажилтны ёс зүй” сэдвээр сургалт зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
