Монгол Улсад орчин цагийн Уул уурхайн салбар үүсгэн байгуулагдсаны 100 жилийн ойг тохиолдуулан 2022 оны 12 дугаар сарын 30-нд ШУТИС-ийн Геологи, уул уурхайн сургуулийн Уурхайн технологийн салбарын профессор, доктор (Sc.D), профессор Я.Гомбосүрэн Монгол Улсын Аж үйлдвэрийн Гавьяат ажилтан цол тэмдгээр шагнагдлаа. Монгол Улсын Аж үйлдвэрийн Гавьяат ажилтан Я.Гомбосүрэнг ШУТИС-ийн захирал Т.Намнан захиргаа, захирлын зөвлөлийн удирдлагууд хүлээн авч уулзаж, баяр хүргэн хүндэтгэл үзүүлэв.
Профессор Я.Гомбосүрэн Монгол Улсын уул уурхай болон боловсролын салбарт 73 жилийн турш хоёргүй сэтгэлээр зүтгэж Налайхын нүүрсний далд уурхайд ерөнхий инженер, Уул уурхайн яаманд орлогч сайд, Уул уурхайн хүрээлэнд эрдэмтэн судлаачаар ажилласан болон ШУТИС-д Уул уурхайн инженерийн сургуулийн Уул уурхайн тэнхимд тэргүүлэх профессор, профессор, Геологи, уул уурхайн сургуулийн Уурхайн технологийн салбарт профессор зэрэг албан тушаалд үр бүтээлтэй ажиллажээ. Уул уурхай, уурхайн экологи, ашигт малтмалын чанар, кондиц, геотехнологи зэрэг олон чиглэлээр сургалт-судалгааны ажлыг өргөн хүрээтэйгээр явуулж ирсэн бөгөөд олон судлаач инженер бэлтгэхэд биечлэн оролцож, магистрын, докторын судалгааны ажлыг удирдаж, хамгаалуулсан, онол-арга зүй, сурах бичиг, гарын авлага, эрдэм шинжилгээ-судалгаа, соён гэгээрүүлэлтийн зэрэг олон зуун гаруй бүтээл туурвиж нийтлүүлсэн, Налайхын нүүрсний далд уурхайд инновац нэвтрүүлснийг нь төр засаг өндрөөр үнэлж төрийн дээд шагналаар шагнажээ. Профессор Я.Гомбосүрэн багшдаа цаашдын ажил үйлсэд нь өндөр амжилт, сайн сайхан бүхнийг хүсэн ерөөе.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
