ШУТИС-БАС-ийн “Барилгын инженерийн салбар”-ын 60 жилийн ойн арга хэмжээний хүрээнд “Барилгын салбарын хөгжлийн чиг хандлага” сэдэвт онол практикийн анхдугаар хурлыг 2022 оны 11-р сарын 18-ны өдөр амжилттай зохион байгууллаа.
Уг онол-практикийн бага хуралд БХБЯ, Барилгын Хөгжлийн Төв, Монголын Барилгын Инженерүүдийн Холбоо, ШУТИС-ийн удирдлагууд, БАС-ийн профессор, багш нар, ажиллагсад, төгсөгчид, ажил олгогчид оролцож барилгын салбарын өнөөгийн нөхцөл байдал, тулгамдаж буй асуудлууд, төрөөс баримталж буй бодлого, төлөвлөлт, салбарт хэрэгжүүлж буй томоохон төсөл хөтөлбөрүүд, дэвшилтэт технологи, инноваци гэх мэт өргөн цар хүрээг хамарсан хэлэлцүүлэг болж өндөрлөлөө.
Хурлын үдээс өмнөх хэсэгт БХБЯ-ны Бодлого, төлөвлөлтийн газрын дарга Б.Гүнболд, БХБЯ-ны Барилгын материалын үйлдвэрлэлийн хэлтсийн дарга Д.Батзориг, БХБЯ-ны Төрийн захиргааны удирдлагын газрын ахлах шинжээч А.Лхамсэржид, “Барилгын хөгжлийн төв” ТӨААТҮГ-ын Норм, нормативийн хэлтсийн дарга Д.Алтанхуяг, “Монголын барилгын инженерүүдийн холбоо” ТББ-ын гүйцэтгэх захирал Х.Хонгорзул, ШУТИС-БАС-ийн “Барилгын инженерийн салбар”-ын эрхлэгч доктор, дэд профессор М.Оюунчимэг нар салбарын өнөөгийн байдал, цаашдын бодлого, төлөвлөлт, барилгын салбарын хүний нөөцийн өнөөгийн байдал, цаашдын хандлага, инженерүүдийн тасралтгүй мэргэжил дээшлүүлэх боломж, тогтолцоо түүнийг өөрчлөх шаардлагын талаар илтгэл хэлэлцүүлж, оролцогчид санал бодлоо хуваалцав.
Хурлын үдээс хойших хэсэгт барилгын салбарын дэвшилтэт технологи, инноваци хөгжүүлэлтийн талаар нийт 15 эрдэм шинжилгээ, судалгааны ажлуудыг хэлэлцүүллээ.
Тус онол-практикийн бага хурал нь жил бүр уламжлал болгон зохион байгуулагдах бөгөөд анхдугаар хурлыг зохион байгуулахад дэмжиж, хамтран ажилласан Барилга Хот Байгуулалтын Яам, Барилгын Хөгжлийн Төв, Монголын Барилгын Инженерүүдийн Холбоо, ШУТИС-ийн удирдлагууд, ШУТИС-Барилга Архитектурын Сургуулийн хамт олон, Барилгын инженерийн салбарын нийт профессор, багш нар, ажилтан ажиллагсад, нийт төгсөгчид, ажил олгогчдодоо чин сэтгэлийн талархал илэрхийлье.
Эрдмийн цагаан буян ашид дэлгэрэх болтугай.
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
