ОХУ-ын Уралын холбооны их сургуулиас (Уральский Федеральный Университет) 3 дахь жилдээ амжилттай зохион байгуулж буй Олон улсын дизайны хакатон уралдаанд ОХУ, Монгол, Энэтхэг, Хятад, Турк, Армян, Пакистан улсуудын Дизайны сургуулиудын багууд мэдлэг, авьяас билиг, ур чадвараа сорин өрсөлджээ.
“Тав тухтай гэр, тохилог орчин” сэдвээр явагдсан энэ жилийн тэмцээнд ҮТС-ийн Дизайны салбарын дэд профессор Б.Сэргэлэн багш 4 багийг удирдан зохион байгуулж амжилттай оролцсоноос манай дизайны оюутнуудын “Flair club” Тэргүүн байрын шагнал хүртсэнээс гадна, “Rialf” баг “Нийгмийн шилдэг төсөл”, “MGL girls” баг “Шилдэг санаа”-ны шагналын эзэд болцгоожээ. Өнгөрсөн жилийн тэмцээнд Дизайны салбарын оюутнууд мөн шилдэг шагналуудыг хүртэж байсан нь олон улсын түвшинд мэдлэг, авьяас, ур чадвараа үнэлүүлж байгаа сайхан үйлс боллоо.
Тус тэмцээнд ОХУ-ын 7, Энэтхэгийн 1, БНХАУ-ын 1, Монголын 1 эксперт ажилласан бөгөөд Б.Сэргэлэн профессор 2 дахь жилдээ энэ хариуцлагатай үүргийг амжилттай биелүүлсэн байна.
Олон орны мэргэжил нэгт оюутнуудтайгаа мэдлэг оюун, ур чадвараа сорин өрсөлдөж гайхамшигтай амжилт гаргасан оюутнууддаа болон Б.Сэргэлэн багшдаа баяр хүргэж, амжилт ерөөе!
ҮТС-ийн Захиргаа, Дизайны салбар
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
