ШУТИС-ийн Технологи дамжуулах төвөөс Шинжлэх ухаан технологийн сантай хамтран “Оюуны өмч ба технологи дамжуулалт” сургалтыг 2021 оны 12 сарын 23-ны өдөр цахимаар зохион байгууллаа.
Эх сурвалж: https://shipglobalip.com/blog
Тус сургалт нь эрдэм шинжилгээ, судалгааны байгууллагын судлаачдад оюуны өмчийн шинэчлэгдсэн хуулийн талаарх мэдээлэл хүргэх болон өрсөлдөхүйц патентыг бий болгох замаар технологи дамжуулах үйл явцыг хөгжүүлэхэд судлаачдын оролцоог нэмэгдүүлэх зорилготой байв.
Сургалтад Шинжлэх ухааны академийн харьяа эрдэм шинжилгээний 14 хүрээлэн болон ШУТИС-ийн багш судлаачдаас бүрдсэн 100 оролцогчийг хамруулав.
Сургалтын агуулгын хүрээнд Оюуны өмчийн газрын шинэ бүтээл, ашигтай загварын ахлах шинжээч Б.Одгэрэл “Оюуны өмчийн багц хуулиудын өөрчлөлт, эрдэмтэн судлаачдын анхаарах асуудал”-ын хүрээнд илтгэл хэлэлцүүлсэн бол “Өрсөлдөхүйц патентыг бий болгох нь” сэдвээр Монголын оюуны өмчийн итгэмжлэгдсэн төлөөлөгчдийн холбооны гүйцэтгэх захирал, оюуны өмчийн итгэмжлэгдсэн төлөөлөгч доктор С.Цогзолмаа илтгэл тус тус хэлэлцүүллээ.
ШУТИС-ийн Технологи дамжуулах төвийн зүгээс мэргэжилтэн Н.Бадрах “Технологи дамжуулах үйл явц дахь судлаачдын оролцоо” сэдвээр сургалтад оролцогч багш судлаачдад мэдээлэл хүргэж, судлаачид технологи дамжуулах үйл явцад хэрхэн оролцох, Монгол улсад үйл ажиллагаа явуулж буй технологи дамжуулах төвүүд болон олон улсад технологи дамжуулах үйл явц хэрхэн явагддаг талаар ярилцлаа.
Сургалтын төгсгөлд илтгэлийн хүрээнд хэлэлцүүлэг явагдаж илтгэгчид оролцогчдын сонирхсон асуултын хүрээнд дэлгэрэнгүй тайлбар, тодруулга өгснөөр сургалт өндөрлөлөө.
ШУТИС-ийн Технологи дамжуулах төв
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
