ШУТИС-ийн Бизнесийн удирдлага, Хүмүүнлэгийн сургууль болон Монгол Улсад суугаа Бүгд Найрамдах Унгар Улс, Бүгд Найрамдах Польш Улс, Бүгд Найрамдах Чех Улсын Элчин сайдын яамнуудтай хамтран 2021 оны 12 дугаар сарын 06-ний өдөр тус сургуулийн Төв номын сангийн 604 тоот хурлын танхимд багш, оюутнуудад зориулсан “Introducing V4 Formation to Mongolia" сэдвээр хэлэлцүүлэг зохион байгууллаа.
Тус уулзалтыг ШУТИС-ийн Бизнесийн удирдлага, Хүмүүнлэгийн сургуулийн захирал доктор, дэд профессор А.Энхбат, БНУУ-аас Монгол Улсад суух Онц бөгөөд Бүрэн эрхт Элчин сайд, Монгол судлаач, доктор Borbala Obrusanszky нар нээн үг хэллээ.
Элчин сайд Борбала Обрушенски “Вышргад 4-ийн хамтын ажиллагаа”, БНПУ-ын Онц бөгөөд Бүрэн эрхт Элчин сайд Кристоф Божко (Krzysztof Bojko) “Polish–Mongolian relations”, БНЧУ-ын Онц бөгөөд Бүрэн эрхт Элчин сайд Жири Бродски (Jiri Brodsky) “Czech foreign policy after 1989” сэдвээр тус тус илтгэл тавьж, чөлөөт ярилцлага өрнүүлэн эрдэмтэн, судлаачид, багш, оюутны сонирхсон асуултад хариулт өглөө.
Элчин сайд Кристоф Божко 1247 онд Ромын Папаас Их Монгол улсын Эзэнт гүрэнд илгээсэн элч төлөөлөгчдийн багт орчуулагчаар явсан санваартан Бенедикт Полак нь Монгол оронд ирснээс хоёр орны харилцаа, хамтын ажиллагааны түүхэн эхлэл болсон тухай, цаашид Монгол судлалд тодорхой үүрэг гүйцэтгэсэн Польш хүмүүсийн талаар онц сонирхолтой илтгэл хэлэлцүүлсэн нь багш, оюутнуудын анхаарлыг ихэд татсан юм.
Харин БНЧУ-аас Монгол Улсад суух Бүрэн эрхт Элчин сайд Жири Бродски “Хоёр орны харилцаа, хамтын ажиллагаа гагцхүү үйлдвэрийн ажилчид солилцох төдий бус, шинжлэх ухаан, технологийн салбар, тэр дундаа ШУТИС-ийн түвшинд түлхүү хамтран ажиллаасай” хэмээн онцлон дурдаад, Монгол Улсын ШУТИС-тай хамтран ажиллах хүсэлтэй байгаагаа илэрхийлсэн юм.
ШУТИС-ИЙН БУХС
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
