Үйлдвэрлэлийн Технологийн сургууль “Хөнгөн үйлдвэрийн салбарын шинжлэх ухаан, хөгжлийн стратеги, экспортын чиг хандлага” эрдэм шинжилгээ, онол практикийн хурлыг 2020 оны 10 сарын 16-нд Хүнс, хөдөө аж ахуй, хөнгөн үйлдвэрийн яам(ХХААХҮЯ), ХААИС-тай хамтран “IBIS Styles Ulaanbaatar” зочид буудалд зохион байгууллаа.
Хуралд Хүнс, хөдөө аж ахуй, хөнгөн үйлдвэрийн яам, Боловсрол шинжлэх ухааны яам, Монголын Үндэсний худалдаа аж үйлдвэрийн танхим, Мэргэжлийн хяналтын ерөнхий газар, Стандарт хэмжил зүйн газар, Ус сувгийн удирдах газар, Арьс ширний үйлдвэрлэлийн холбоо түүний гишүүн үйлдвэрүүдийн төлөөлөл, Монголын ноос, ноолуурын холбоо түүний гишүүн үйлдвэрүүдийн төлөөлөл, ХААИС, ШУТИС-ийн багш, судлаачдын 80 гаруй төлөөлөл оролцлоо.
Ноос ноолуур, арьс ширний үйлдвэрлэлийн хөгжлийн асуудлууд, тулгамдаж буй бэрхшээл, гарц шийдлийн талаар 16 илтгэл хэлэлцүүлсэн. ҮТС-ийн захирал Ж.Туяацэцэг, хөнгөн үйлдвэрлэлийн технологи, инженерчлэлийн салбарын эрхлэгч Д.Батбаяр нар “Хөнгөн үйлдвэрлэлийн салбарын эрдэм шинжилгээний ажлын үр дүн, тулгамдаж буй асуудлууд” сэдвээр илтгэлийг танилцуулав.
Мөн ҮТС-ийн Хөнгөн үйлдвэрлэлийн технологи, инженерчлэлийн салбарын профессор багш, оюутнууд 10 сарын 16-18-ны хооронд “Мишээл экспо” төвийн үзэсгэлэнгийн танхимд зохион байгуулсан “Монгол экспорт экспо-2020” үзэсгэлэнд эрдэм шинжилгээ, судалгааны бүтээлүүдээрээ оролцлоо. Үзэсгэлэнгийн үеэр “Хөнгөн үйлдвэрийн механик инженер” хөтөлбөрийн багш, оюутнуудын зохион бүтээсэн арьсан дээр хээ зурах, эсгүүр хийх CNC төхөөрөмж, 3D хэвлэх төхөөрөмж үзэсгэлэнд оролцогч арьсан жижиг эдлэл үйлдвэрлэгчдийн сонирхлыг татсан инновацийн бүтээгдэхүүн боллоо.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
