Сайн дурын ШУТИС-ийн Хятад хэлний клуб 2020-2021 оны хичээлийн жилийн намрын улирлын арга хэмжээний хүрээнд төгсөгчдийн цуврал лекцийг Нээлттэй боловсрол, Хандлага ур чадвар сэдвээр эхлүүллээ. Их сургуулийн зорилго, чиглэлийг дэмжиж нээлттэй боловсролын үед оюутан хандлагаа өөрчлөн, ур чадвараа хөгжүүлж, бие дааж суралцахад нь туслах зорилгоор Гадаад хэлний сургуулийн төгсөгч магистр Б.Хишигдаваа, сэргээгдэх эрчим хүч 2+2 хөтөлбөрийн анхны төгсөгч Г.Мөнхнасан, IV дамжааны оюутан Ч.Сансар нарыг урьж, 2+2 хөтөлбөр, техник технологийн орчуулагчийн хятад хэлний ангийн оюутнуудад зориулан энэхүү лекцийг зохион байгууллаа. Энэ улирлын хичээлийн зорилго, төлөвлөгөө болон лекцээр ярилцах сэдвийг клубийн зөвлөх багш Ц.Эрдэнэзаяа танилцуулав. Урин оролцуулсан төгсөгч нар “Нээлттэй боловсрол гэж юу болох, түүний давуу тал боломж”, “Хандлага, ур чадвараа хэрхэн өөрчилж, хөгжүүлэх, юунаас эхлэх”, “Хувь хүний хөгжил талаас хэрхэн эерэг хандлагатай оюутан байж, зөв харилцаж сурах”, “Үр бүтээлтэй, зорилготой бие дааж суралцах”, “Суралцахад цагаа зөв зохицуулж, өөрийгөө ялж сурах” зэрэг олон чиглэлээр лекц, илтгэл хэлэлцүүлсэн. Оюутанд санаа сэдэл өгсөн тэднийг бүтээлчээр суралцах сэдэл, урам, ухаарлыг төрүүлсэн өгөөжтэй лекц болж өндөрлөв.
Гадаад хэлний сургуулийн техник технологийн орчуулагчийн хятад хэлний 3, 4-р анги, Эрчим хүчний сургуулийн цахилгаан хангамж, дулаан хангамж, эмнэлгийн тоног төхөөрөмжийн 2+2 хөтөлбөрийн 1-4-р ангийн оюутнууд болон клубийн бусад идэвхтэн 60 гаруй гишүүн оюутан оролцлоо.
Хятад хэлний клубийн үйл ажиллагаанд идэвхтэй оролцож, дэмжин ажилладаг Оюутны соёл, үйлчилгээний алба, профессор багш, оюутан залуус, клубийн нийт гишүүддээ гүн талархлаа илэрхийлье.
Хятад хэлний клуб
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
