ШУТИС-ийн багш, ажилчдаас бүрдсэн баг 2020 оны 02 дугаар сарын 14-15-ны өдөр Хан Хэнтийн нурууны ноён оргил “Асралт хайрхан”-д аялаад ирлээ. “Асралт хайрхан” нь Хан Хэнтийн уулсын хамгийн өндөр оргил бөгөөд далайн төвшнөөс дээш 2800м өндөр өргөгдсөн, өвлийн аялал, өвлийн алхалт хийхэд тохиромжтой, уулчдын босго хайрхан хэмээн онцлогдох, онгон дагшин байгаль бүхий нутаг юм.
ШУТИС-ийн бүрэлдэхүүн сургууль, багш хамт олны дотор аяллын клуб, хамтлагууд олон жилийн түүхтэй хөгжиж ирсэн бөгөөд 1970-1980-аад оноос профессор, спортын мастер Ж.Гэрэлхүү ахлагчтай “Уул, ус” клубт багш, оюутнууд олноор оролцож Монгол орныхоо байгалийн үзэсгэлэнт, түүхийн дурсгалт газрууд болон хилийн дээс алхан аялж байжээ. Мөн ШУТИС-ийн Ахмадын зөвлөлөөс жил бүр уламжлал болгон аялал зохион байгуулж байна. Дээрх аялалд амжилттай оролцсон хүмүүсээс спортын зэрэг цол, мастер болсон хүмүүс цөөнгүй бий.
Асралт хайрханд гарах зорилготой энэ удаагийн аяллын өмнө нийт нутгаар цас их хэмжээгээр орж, хүйтэн ширүүн салхитай байсан ч аяллын багийн нэгдмэл зорилгын хүчээр бартаа саад, цаг агаарын хүндрэлтэй нөхцөлийг даван туулж хайрхандаа бараалхав.
Улс орон даяар өндөржүүлсэн бэлэн байдлын зэрэгт шилжсэн энэ цаг үед шинэ корона вирусийн халдвараас урьдчилан сэргийлэх, байгалийн сайхан цэвэр агаарт аялж, дасгал хөдөлгөөнөөр дархлаагаа дэмжихийг уриалж байна.
ШУТИС-ийн Ахмадын зөвлөлийн дарга Д.Чулуун
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
