Шинжлэх ухаан, технологийн их сургуулийн 2019-2020 оны хичээлийн жилийн намрын улирлын бакалаврын 83, магистрын 45 дахь удаагийн төгсөлт 2020 оны 1 дүгээр сарын 23, 24-ний өдрүүдэд болж байна. Энэ удаагийн төгсөлтөөр 6 доктор, 278 магистрын зэргийн диплом, 788 бакалаврын зэргийн дипломтой төгссөнөөс онцлох дипломтой 34, дипломын зэрэгтэй 61 оюутан төгсөн гарч байна. Түүнчлэн Эрчим, хүчний сургуулийн Хойд Хятадын Эрчим хүчний сургуультай хамтарсан Цахилгаан хангамж 2+2 хөтөлбөрөөр 6, БНХАУ-ын Шанхайн ШУТИС-тай хамтарсан Био инженерчлэл 2+2 хөтөлбөрөөр 2 төгсөгч тус тус төгсөн гарлаа.
Төгсөлтийн ёслолын ажиллагаанд Боловсрол, соёл, шинжлэх ухаан, спортын яамны Дээд боловсролын газрын дарга Т.Амаржаргалан, ШУТИС-ийн Захирал Б.Очирбат болон дэд захирал, бүрэлдэхүүн сургуулийн захирал, эрдэмтэн багш нар төгсөгчид оролцлоо. Төгсөлтийн ёслолын ажиллагааг нээж ШУТИС-ийн Захирал Б.Очирбат үг хэлж, Монгол Улсын Гавьяат багш, ЭХС-ийн Дулааны инженерийн салбарын доктор, профессор Ч.Даваасамбуу, Боловсрол, соёл, шинжлэх ухаан, спортын яамны Дээд боловсролын газрын дарга Т.Амаржаргалан нар төгсөгч оюутнуудад баяр хүргэн сургаал үгээ хайрлав.
Төгсөгчдөд диплом олгох ШУТИС-ийн Захирлын тушаалыг Сургалтын бодлого, зохицуулалтын газрын дарга, доктор, дэд профессор Д.Гэрэлт-Од уншиж танилцуулснаар ШУТИС-ийн төгсөгчдөд диплом гардуулах ёслолын үйл ажиллагаа эхэлсэн.
Нийт төгсөгчдийг төлөөлж Мэдээлэл, холбооны технологийн сургуулийн Автоматжуулалтын систем мэргэжлээр бакалаврын зэрэг хүртсэн Даваахүү овогтой Даваадэлгэр эрдэмтэн багш, төгсөгчид болон зочид төлөөлөгчдөдөө хандан талархлын үгээ хэллээ.
Нийт төгсөгчдөдөө баяр хүргэж цаашдын ажилд нь амжилт, амьдралд нь сайн сайхан бүхнийг хүсэн ерөөе.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
