ШУТИС-ийн сайн дурын “хятад хэлний клуб” 2019-2020 оны хичээлийн жилийн намрын улирлын арга хэмжээний хүрээнд “Төгсөгчдийн цуврал лекц 2”-ийг “Ухаалаг орчуулагч” сэдвээр сургуулийн чиглэл, зорилгыг дэмжин 2+2 хөтөлбөрийн болон ТТО-хятад хэлний ангийн оюутнуудад мэргэжлийн хийгээд ажлын байрны орчуулгын хэрэгцээ, ухаалаг хэрэглээг таниулах “ГХС”-ийн хятад хэлний гэрээт багш Т.Баярзаяа, “Монос Фарм Трейд” ХХК-ийн гадаад харилцааны менежер, “Платформ бизнес” ХХК-ийн үйл ажиллагаа хариуцсан захирал М.Долгоржав нарыг урьж энэхүү лекцээ зохион байгууллаа.
Клубын зөвлөх багш Ц.Эрдэнэзаяа энэ улирлын хичээлийн зорилго, төлөвлөгөө болон тус лекцээр ярилцах дараах сэдвийн хүрээнд мэдээллээ танилцуулж эхлүүлэв.
-Ухаалаг орчуулагч гэж юуг хэлэх вэ
-Орчуулга гэж юу вэ
-Орчуулагч болон инженер мэргэжлээр сурч байгаа оюутнууд төгсөөд ажлын байранд дээр хэрхэн орчуулга хийх
-Орчуулга хийхэд юу юу шаардлагатай, тулгардаг асуудлууд
-Орчуулгын алдаа түүний үр нөлөө, орчуулгын сонирхолтой баримт
-Оюутан байх хугацаандаа цагыг хэрхэн яаж үр дүнтэй ашиглаж зорилгодоо хүрэх гэх мэт олон сэдвээр уригдсан зочин маань мэдээллээ танилцуулан, лекцэд суусан оюутнууд хятад англи орос хэлээр зочдоос оюутан байх хугацаандаа эзэмшвэл зохих мэдлэг чадвар, ямар ямар толь бичиг ашиглавал илүү үр ашигтай, сурч байгаа хэл дээрээ хэрхэн илтгэл тайлан бэлдэж танилцуулах, хэрхэн ханзаа цээжлэх зэргээс эхлээд өөрсдөдөө тулгамдаж байгаа асуудлын талаар илүү ихээр сониучлан өргөн хүрээтэйгээр асууж чөлөөт хэлэлцүүлэг өрнүүлэн, оюутанд урам зориг өгсөн тэднийг бүтээлчээр суралцах урам сэдлийг төрүүлсэн үр өгөөжтэй лекц болж өндөрлөсөнд клубийн хамт олны зүгээс чин сэтгэлээсээ талархалтай байна.
Энэхүү лекцэд ГХС-ийн ХХШС-ын англи хэлний багш Ц.Солонго, ТТО-хятад 3,4-р анги, ЭХС-ийн 2+2 хөтөлбөрийн 1,2-р анги, ХШУС-ийн 2+2 хөтөлбөрийн 2-р ангийнхан болон клубийн бусад идэвхтэн гишүүд нийт 60 гаруй оюутнууд идэвхтэй оролцлоо.
Хятад хэлний клубийн үйл ажиллагаанд идэвхтэй оролцдог, дэмжин ажилладаг хүндэт багш, оюутан, клубийн гишүүддээ гүн талархлаа илэрхийлье.
ГХС-Хятад хэлний клуб 2019-11-07
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
