ШУТИС, Геологи, уул уурхайн сургуулийн Геологи, гидрогеологийн салбарын ахлах багш др. О.Мөнхцэцэг Япон улсын Нагояа Их Сургуулийн урилгаар зочин дэд профессороор 2 дох удаагаа ажиллаад ирлээ. Тэрээр өмнө 2017 онд 3 сараар уригдан ажилласан бол энэ удаад 2 сарын хугацаатай ажилласан байна.
Уригдаж ажиллах явцдаа ГУУС дээр хэрэгжиж буй Улсын төсвийн зөвлөх үйлчилгээний Их Өлзийт 50 төслийн чулуун дээжид Уран-Хар тугалганы изотопын нас тогтоох ажлыг давхар хийж гүйцэтгэсэн.
О.Мөнхцэцэг Нагояа Их Сургуультай 2012 оноос хамтран ажиллаж эхэлсэн бөгөөд тус сургуулийн ахьсан түвшний хөтөлбөрийн “Environmental survey in Ulaanbaatar” хамтарсан оюутны хээрийн дадлагыг Монголд зургаан удаа хамтран зохион байгуулалцаж, Монгол талаас нийт 3 сургуулийн 50 оюутан, 10 багш оролцуулан ажилласан байна.
Мөн Нагояа Их Сургуулийн Музейд хэрэгжсэн “Natural history” хөтөлбөрийн хамтарсан хээрийн дадлагыг хоёр оронд хийхэд Монгол талаас 5 удаа зохион байгуулалцаж, 5 профессор багш, 13 оюутныг Монгол талаас оролцуулан Монгол болон Япон улсад дадлагажуулан ажиллажээ.
Эдгээр хамтарсан хээрийн судалгааны ажлуудад манай багш, судлаачид, оюутныг оролцуулах, дадлагажуулах санхүүгийн асуудлыг бүрэн хариуцан ажилласан Нагояа Их СУргуулийн хамт олон, хамтран ажилласан бүх багш, судлаачдадаа гүнээ талархал илэрхийлж, ажлын амжилт хүсэн ерөөе.
Япон улсын Нагояа хотод Япон, Монгол оюутны хамтарсан судалгааны ажлын үеэр
Нагояа Их сургуульд суралцаж байсан ШУТИС-ийн геологи мэргэжлийн төгсөгчдийн хамт
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
