Жил бүрийн намар 9-10 сард БНХАУ-аас Монгол улсад суугаа ЭСЯ, Хятадын банкны УБ дахь төлөөлөгчийн газар, Хятад Монголын хэл соёл боловсрол, нийгмийн хөгжлийн сан болон МУИС-ийн Күнзийн институтээс хамтран их дээд сургуулийн оюутнуудад зориулсан улсын хэмжээний “Тэргүүлэгч од” тэтгэлэгт хөтөлбөр, “Ирээдүйн эзэд” ивээн тэтгэх хөтөлбөр” болон ЕБС-ийн сурагчдын “Мөрөөдлийн од” тэтгэлэгт хөтөлбөр, “Ирээдүйн од” ивээн тэтгэх хөтөлбөр, Хятад хэлийг шамдан суралцаж буй сурагчдыг дэмжих тусгай хөтөлбөрүүдийг зохион явуулдаг.
Энэ жилийн тэтгэлэгт хөтөлбөрт улсын хэмжээний их дээд сургуулиас нийт 521 оюутан шалгалт өгсөн. Үүнээс ШУТИС. ГХС-ийн 2 оюутан 1,3 байр эзэлсэн амжилт гаргалаа. ГХС-ийн ТТО мэргэжлийн II курсийн оюутан Э.Төгөлдөр 1-р байрт шалгарч 6000 юань, III курсийн оюутан Т.Лхагвадорж 3-р байрт шалгарч 3000 юаны тэтгэлэг тус тус хүртсэн.
10 сарын 25-ны өдөр Хятадын банкны УБ дахь төлөөлөгчийн газрын хурлын танхимд болсон шагнал гардуулах ёслолын ажиллагаанд ГХС-ийн дэд захирал Ц.Энхбаатар, Ази судлалын тэнхимийн эрхлэгч Л.Чойжилмаа нар оролцож шагнал хүртсэн оюутнууддаа баяр хүргэлээ.
Шагнал гардуулах ёслолын үйл ажиллагаанд БНХАУ-аас Монгол улсад суугаа ЭСЯ-ны Онц бөгөөд бүрэн эрхт элчин сайд Шин Хаймин оролцож, талархлын үг хэлж, Хятад Монголын хэл соёл боловсрол, нийгмийн хөгжлийн санд 20000 долларын хандив өргөж үйл ажиллагаанд нь амжилт хүслээ.
ГХС-ийн Ази судлалын тэнхим
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
