ШУТИС-ийн нийт оюутнууд, тэр дундаа солонгос хэл суралцагч оюутнуудад зориулсан “Хангыл үсгийн баяр” өдөрлөг болж өнгөрөв. ГХС, МехТС, МХТС зэрэг бүрэлдэхүүн сургуулиудад зохиогдсон энэ арга хэмжээг ГХС-ийн Ази судлалын тэнхимийн Солонгос судлалын баг зохион байгуулж, бүрэлдэхүүн сургуулиуд дэмжин ажиллаж, удирдлага, профессор багш нарын төлөөлөл оролцлоо.
Өдөрлөг 2019 оны 10 сарын 9-нд ГХС-д, 10 сарын 11-нд МехТС, МХТС-д тус тус зохиогдов. Өдөрлөгийн үеэр ГХС-ийн Техник Технологийн орчуулагчийн Солонгос хэлний ангийн оюутнууд болон МехТС, МХТС-иудад хэрэгжүүлж буй БНСУ-ын Сүнчонхян Их сургуультай хамтарсан 2+2 хөтөлбөрийн ангийн оюутнууд хамтран Солонгосын соёл урлагийн тоглолт үзүүллээ. Багт бүжиг, дэвүүрт бүжиг, тугт бүжиг, таеквондогийн үзүүлбэр, цохиур хөгжмийн тоглолт үзүүлж, оюутнуудын дунд солонгос үндэсний тоглоом тоглуулан, түргэн хэллэгийн уралдаан явуулсны дараа кимбабны амталгаа болов. Хангыл үсгийн цэвэр бичгийн уралдаанд түрүүлсэн оюутнууд, арга хэмжээнд идэвхтэй оролцсон оюутнуудад шагнал, урамшуулал гардуулсан байна.
ГХС-д солонгос хэлний сургалт явагдаж эхэлсэн үеэс 17 дахь жилдээ Хангыл үсгийн баярыг зохион байгуулж байгаа бөгөөд МХТС, МехТС-иудад БНСУ-ын их сургуультай хамтарсан хөтөлбөр хэрэгжиж эхэлсэн үеэс зохиож иржээ.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
