2019 онд Үелэх системийн 150 жилийн ой болж байгаатай холбогдуулан МУИС нь БСШУС-ын яам, Цэвэр болон хэрэглээний химийн олон улсын нийгэмлэг /IUPAC/-тэй хамтран зохион байгуулсан “GREEN CHEMISTRY in MONGOLIA” сэдэвт олон улсын сургалт 2019.09.17-09.19-ны хооронд МУИС-ийн Номын санд амжилттай болж өнгөрөв.
Сургалтыг Цэвэр болон хэрэглээний химийн олон улсын нийгэмлэг /IUPAC/-ийн төлөөлөгчид болох Dr., Prof Jan Apotheker, Anna Marakova, Aurelia Visa, Mei-Hung Chiu, Masahiro Kamata нар удирдан явууллаа. Тус сургалт нь ЕБС, Их, дээд сургууль, судалгааны хүрээлэн зэрэг бүх түвшинд ногоон химийн нэгдмэл үзэл баримтлалтай болоход чиглэгдсэн юм. IUPAC-ийн олон улсад хүлээн зөвшөөрөгдсөн дээрх төлөөлөгчдөөс шинэ мэдээлэл авах нь өөрийн байгууллагын сургалт, судалгааны ажилд ногоон химийн зарчмыг нэвтрүүлэх, хэрэгжүүлэх нэгдсэн ойлголттой болж цаашид хамтран ажиллах суурь тавигдсанаараа үр дүнтэй сургалт болж чадсан байна.
Энэхүү сургалтанд ХШУС-ийн ХИС-ын ахлах багш Н.Баттулга, О.Отгонтуул, багш С.Билэгсайхан нар оролцлоо. Сургалтын хөтөлбөрийн хүрээнд “Green Chemistry and Technology” хичээлийн хөтөлбөрийг оролцогчид баг багаар өөрсдийн албан байгууллага, судалгааны ажилд нэвтрүүлж болох хувилбарыг боловсруулж нээлттэй хэлэлцүүлсэн юм.
Судалгаанд суурилсан гадаадын Их, дээд сургуулийн хувьд “Green Chemistry and Technology” хичээлийг бакалаврын шатны сургалтын 3-р ангид зааж Ногоон химийн 12 зарчмыг нэвтрүүлж, хэрэгжүүлэх боломж олгодог юм байна. Сургалтын санхүүгийн ивээн тэтгэгчээр Green Chemistry ХХК хамтран ажиллав.
ХШУС, Химийн инженерчлэлийн салбар
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
