Шим тэжээл судлалын төвөөс хэрэгжүүлж буй “Улаанбаатар хотын цэцэрлэгийн хүүхдийн хоол, шим тэжээл – хоол үйлдвэрлэл, үйлчилгээний менежментийг сайжруулах” төслийн хүрээнд “Хүүхэд бүрт Шимт хоол” сургалт өдөрлөгийг 10-р сарын 12-ны өдөр Хүүхдийн ордонд зохион байгуулав. Өдөрлөгт Улаанбаатар хотын 241 цэцэрлэгийн 700 гаруй эцэг эхийн төлөөлөл хамрагдлаа.
Сургалт өдөрлөгөөр эцэг эхчүүдэд гэр бүлийн өдөр тутмын хүнсний бүтээгдэхүүнээ зөв сонгох талаар үзүүлэх сургалт явуулж, төрөл бүрийн ундаа, жүүсэнд агуулагдах чихрийн хэмжээ болон хүүхдийн хоногийн хоол, хүнсээр авах шимт бодисыг агуулсан жишиг хоолны загвар, хүүхдийн амны хөндийн эрүүл мэнд, гарын ариун цэвэр ба бохир гараар дамжих өвчлөлийн талаар анхан шатны боловсрол олгох багц сургалтын материалаас бүрдсэн үзэсгэлэнг гаргав.
Сургалт өдөрлөгт КОЙКА-ийн Монгол дах төлөөлөгчийн газрын суурин төлөөлөгч Жу Хэйн-Нан, орлогч дарга Ким Сү-Янъ, НБГ-ын орлогч дарга Л.Буянтогтох, Хяналт, шинжилгээ үнэлгээний хэлтсийн дарга С.Ганчимэг; “WITH” ТББ-ын Монгол дах суурин төлөөлөгч Пак Кён Хи, ШУТИС, ҮТС-ийн захирал Ж.Туяацэцэг, Шим Тэжээл судлалын төвийн зөвлөх Ким Сон Ми, захирал нар болон албаны бусад төлөөлөл оролцлоо.
Өдөрлөгийг хамтран зохион байгуулж, идэвхтэй оролцсон байгууллага болон хоолзүй, тэжээхүй ухааны ангийн оюутнуудад талархал илэрхийлье.
ШИМ ТЭЖЭЭЛ СУДЛАЛЫН ТӨВ
“Монгол-Хятадын инновац, хөгжлийн форум 2026” амжилттай зохион байгуулагдлаа
ШУТИС-ийн багш, ажилтнуудад төрийн дээд одон, медаль гардууллаа
ШУТИС-ийн профессор Д.Буянтогтох Монгол Улсын “Гавьяат багш” цолоор шагнагдлаа
ШУТИС-ийн профессор Х.Жаргалсайхан Хөдөлмөрийн гавьяаны Улаан тугийн одонгоор шагнагдлаа
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
