Сайн сайхныг санхүүжүүлнэ уриатай Голомт банк нь байгуулагдсан цагаасаа эхлэн тогтвортой хөгжлийн бодлого, нийгмийн хариуцлагын хүрээнд оюутан, сурагчдад чиглэсэн багц хөтөлбөрүүдийг тасралтгүй хэрэгжүүлж ирсэн билээ.
2019 оны багц хөтөлбөр нь Дэлхийд болон Монгол улсад хамгийн эрэлттэй мэргэжлүүдийн нэг болсон Мэдээллийн технологийн мэргэжлээр суралцаж буй оюутнуудад чиглэсэн нь өмнөх жилүүдээс онцлог байлаа.
Тухайлбал, “Дижитал мэргэжилтэн – Internship opportunity” өдөрлөгийг энэ оны 5 сард зохион байгуулж 150 гаруй оюутнуудаас шилдэг 24 оюутныг сонгож, зуны 3 сарын хугацаанд Голомт банкны “Судлаач оюутан” хөтөлбөрт хамруулсан бөгөөд оюутнууд бизнесийн бодит төслүүд дээр ажиллаж өөрийгөө сорих, мэдлэг туршлага олж авах хөгжлийн цогц сургалтуудад хамрагдсан юм.
2019 оны Голомт банкны нэрэмжит 15 дахь удаагийн тэтгэлэгт хөтөлбөрт судлаач оюутнаар ажиллаж өөрийгөө сорьсон 24 оюутан өрсөлдсөн бөгөөд 3 сарын ажлын үр дүн болон бусад үзүүлэлтүүдээр шигшигдсэн “Шилдгийн шилдэг” 8 оюутан бүтэн жилийн сургалтын төлбөрийн тэтгэлэг авсан бол 2020 оны “Судлаач оюутны хөтөлбөр”-т хамрагдах эрхийн бичгээр шилдэг 7 оюутан шалгарч батламжаа энэ сарын 10-ны өдөр гардан авсан юм.
Нийт оюутнууддаа Дэлхийн шилдэг мэргэжилтэн болохыг хүсэн ерөөж сурлагын өндөр амжилт хүсье!
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
