ШУТИС-ийн 60 жилийн ойн хүрээнд 2019 оны 8 дугаар сарын 26-ны өдрөөс 9 дүгээр сарын 06-ны өдрүүдэд Шинжлэх ухаан, тенологийн номын сангаас жил бүр уламжлал болгон явуулдаг “Нээлттэй хаалганы өдөр”-ийг зохион байгуулж, элсэгчдэд зориулсан танилцуулга сургалт, ерөнхий эрдмийн номын үзэсгэлэн, ОУ-ын техник технологийн шинэ ном, цахим ном, сэтгүүлийн үзэсгэлэн гаргалаа.
“Монголын соёл, урлагийн ажилтаны өдөр”-ийг тохиолдуулан номын санч, мэдээллийн ажилтнуудын дунд “Нээлттэй номын сан ба сургалт, судалгааны орчин” сэдэвт эрдэм шинжилгээний хурлыг зохион байгуулж тус арга хэмжээнд ШУТИС-ийн Сургалт, оюутны асуудал эрхэлсэн дэд захирал Х.Энхжаргал, Санхүү, хөрөнгө оруулалт эрхэлсэн дэд захирал Л.Баяр-Эрдэнэ, Гадаад хэлний сургуулийн захирал Б.Соёлсүрэн, ШУТТНС, БуХС, МХТС, МехТС, ҮТС, ОрТС-ийн номын санч, мэдээллийн ажилтнууд оролцож, “Үйлчилгээний ажилтны ёс зүй” сэдвээр профессор С.Төгс, “Үүлэн технологи гэж юу вэ?” сэдвээр “Волвес” ХХК-ны мэргэжилтэн Б.Гантулга нар илтгэл тавьж, санал солилцов.
Эрдэм шинжилгээний хурлын хүрээнд номын санч, мэдээллийн ажилтнуудын илтгэлүүдийг хэлэлцүүлж “Судалгааны бүтээлийн лавлагаа мэдээлэл”, “Номын сангийн мэдээллийн хүртээмж, хангамж” сэдэвт илтгэлүүд шалгарлаа.
Мөн ШУТНС-ийн хамт олноо манлайлан, үр бүтээлтэй ажилласан номын санчдыг шалгаруулж, Монголын номын сангуудын консорциумын “Тэргүүний номын санч” цол тэмдэг, ШУТИС-ийн БУХС, МХТС, МехТС, ҮТС, ЭХС-ийн Захирлын нэрэмжит шагналуудаар өргөмжлөгдөв.
Шинжлэх ухаан, технологийн номын сан
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
