Монгол Улсын Сайд, ЗГХЭГ-ын дарга Л.Оюун-Эрдэнэ, Монгол Улсын урт хугацааны хөгжлийн бодлого төлөвлөх ажлын хэсгийн гишүүд 2019 оны 6 дугаар сарын 11-ний өдөр ШУТИС-ийн судлаачид, инженерүүдтэй уулзан, тэдний саналыг сонслоо.
Тус уулзалт, хэлэлцүүлгийн үеэр УИХ-ын даргын зөвлөх, ШУТИС-ийн Удирдах зөвлөлийн дарга, доктор, профессор Д.Бадарч “Стратеги-2045” сэдвээр, ШУТИС-ийн Мэдээлэл, холбооны технологийн сургуулийн профессор, доктор А.Эрдэнэбаатар “Аж үйлдвэрийн 4 дүгээр хувьсгал ба мэдээллийн технологи” сэдвээр, ШУТИС-ийн Нээлттэй боловсролын төвийн судлаач, доктор Р.Найдандорж “Их сургуулийн шинэчлэл ба Монгол Улсын хөгжил” сэдвээр, ШУТИС-ийн Эрдэм шинжилгээ, хамтын ажиллагаа эрхэлсэн дэд захирал, доктор, профессор Т.Намнан “Монгол Улсын урт хугацааны хөгжлийн бодлогод дэвшүүлэх зарим санал” сэдвээр илтгэл хэлэлцүүлэв.
ШУТИС-ийн судлаачид, инженерүүд Монгол Улсын ирэх 25 жилийн хөгжлийн бодлого боловсруулах асуудалд эрдэмтэн судлаачдын санал, санаачлагыг сонсож байгаад нь талархаж буйгаа, цаашид тус ажлын хэсэгтэй бүхий л талаар хамтран ажиллах боломжтой гэдгээ илэрхийлсэн юм.
Маркетинг, олон нийттэй харилцах алба
ТДША-наас “Их сургуулийн ирээдүй: Дижитал орчин ба бүтээмжийн шинэ соёл” нээлттэй семинар зохион байгууллаа
2026 E5 KAIST Global Workshop арга хэмжээнд МХТС-ийн “SeeWay” баг амжилттай оролцож, тусгай байр эзэллээ
ШУТИС-ийн төгсөгч оюутнууд ажиллах урилга авлаа
Итали улсын Тренто их сургуультай хамтран ажиллах гэрээнд гарын үсэг зурлаа.
ШУТИС “University DX Alliance” холбооны анхдугаар уулзалтад онлайнаар оролцов
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
