ШИНЖЛЭХ УХААН, ТЕХНОЛОГИЙН ИХ СУРГУУЛЬ

EURASIA-PACIFIC UNINET Европ Ази номхон далайн улсуудын их дээд сургуулиудын холбооны хуралдаанд оролцлоо

2002 оноос UNINET төсөл Монголд хэрэгжиж байгаа билээ. Тус төсөл нь Австрийн засгийн газрын гадаад бодлогын хүрээнд олон улсын дээд боловсролын хамтын ажиллагааг дэмжиж ажилладаг юм.

UNINET төслийн хүрээнд монголын их дээд сургуулиуд МУИС, ШУТИС, ХААИС, ЭМШУИС, СУИС болон ШУА-ийн нийт 200 гаруй багш нар доктор болон докторын дараах сургалтын тэтгэлэгт хамрагдаад байна.

УНИНЕТ-ийн 6 дах нэгдсэн хуралдаан Австри Улсын Вена хотод 2019 оны 5-р сарын 19-20-д болж өнгөрлөө. Тус хуралд ШУТИС-ийн ректор Б.Очирбат оролцож 2003 оноос одоо хүртэл УНИНЕТ-тэй хамтарч ажилласан талаараа илтгэл тавилаа. Хурлын үеэр УНИНЕТ холбоонд УБИС , Ховд ИС-уудыг шинээр гишүүнээр элсүүллээ.