Архангай аймгийн хөгжлийн стратеги төлөвлөгөөнд тусгасан “хэрэглэгчээс үйлдвэрлэгч аймаг болох” бодлогын хүрээнд аймгийн ерөнхий боловсролын сургууль төгсөж буй сурагчдад мэргэжлээ сонгохдоо орон нутгийн хөгжлийн ирээдүйг харах, цаашдаа орон нутгийнхаа хөгжилд тэдний оруулах хувь нэмэр, үнэлэмжийг дээшлүүлэх, хөнгөн үйлдвэрийн салбарын мэргэжилтний эрэлт хэрэгцээг таниулан, ирээдүйн мэргэжлээ зөв сонгоход туслахад чиглэгдсэн.
Уг сургалт, семинарт Архангай аймгийн Боловсрол, соёл, урлагийн газрын дарга Ц. Мөнхбат, тус газрын мэргэжилтнүүд, Архангай аймгийн төвийн 5, сумдын 15, нийтдээ 20 ерөнхий боловсролын дунд сургуулийн захирал, төгсөх анги удирдсан багш нар, төгсөх ангийн сурагчид нийлсэн 240 хүн хамрагдлаа.
Үйлдвэрлэлийн Технологийн Сургуулийн Хөнгөн үйлдвэрлэлийн технологи, инженерчлэлийн салбарын багш, оюутнууд Архангай аймгийн ерөнхий боловсролын сургуулийн төгсөгчдөд Хөнгөн үйлдвэрийн салбарын техник, технологийн дэвшил, ШУТИС болон Үйлдвэрлэлийн Технологийн сургуулийн хэрэгжүүлж буй хөтөлбөрүүдийн танилцуулга, ШУТИС-ийн элсэлтийн журам, инженерийн боловсролд CDIO сургалтын арга зүйг хэрэгжүүлж буй үр дүнгийн танилцуулга сэдвүүдээр илтгэл тавьж сургууль, хөтөлбөр мэргэжлүүдээ сурталчилах ажлыг амжилттай зохион байгуулаад ирлээ. Сургалт семинарын хүрээнд дараахи сэдэвт илтгэлүүдийг хэлэлцүүлж, танилцуулсан. Үүнд:
Сургалт семинарын үеэр ХҮТИС-ийн эрхлэгч Д. Батбаяр, ахлах багш Д. Пүрэвмагнай, ХҮМАИ 3-р ангийн оюутан И. Элбэгжаргал
Сургалт семинарын үеэр ХҮТИС-ийн ахлах багш Д. Пүрэвмагнай
Сургалт семинарын үеэр Шима Сейки төвийн програмист багш Б. Далайцэрэн
Мэдээллийг боловсруулж бэлтгэсэн: Д.Батбаяр
“Монгол газрын тос боловсруулах үйлдвэр” ТӨХХК-ийн төслийн бүтээн байгуулалтын үйл ажиллагаатай танилцлаа
“Эрдэс баялгийн салбарын сургалт-судалгаа-хамтын ажиллагааны хөгжил” үндэсний II хэлэлцүүлэг болж байна
ШУТИС, ШУА-ийн Физик-технологийн хүрээлэнтэй хамтын ажиллагааны санамж бичиг байгууллаа
Экологи, тогтвортой хөгжлийн төвийн үйл ажиллагааг сэргээн эхлүүллээ
ОБЕГ-ийн Холбоо, мэдээллийн технологийн алба хаагчдыг чадавхжуулах сургалт, дадлагыг зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
