ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн 60 жилийн ой, КОЙКА-ДаТС-ийн хамтын ажиллагааны 20 жилийн ойд зориулж “Компьютерийн нэгдсэн лаборатори”-ийг шинээр байгууллаа

БНСУ-ын Олон Улсын Хамтын Ажиллагааны КОЙКА байгууллагын хөрөнгө оруулалтаар 30000 $-ын өртөг бүхий “Компьютерийн нэгдсэн лаборатори”-ийн нээлт 2019 оны 1 дүгээр сарын 16-ны өдөр боллоо. Тус арга хэмжээнд КОЙКА Олон Улсын хамтын ажиллагааны байгууллагын менежер ноён Song Myoungsun, мэргэжилтэн хатагтай Kim Dohyung сайн дурын гишүүн хариуцсан ажилтан Ц.Төмөрчулуун, Дархан-Уул аймгийн ЗДТГ-ын Нийгмийн бодлогын хэлтсийн дарга Н.Цасчихэр болон ДаТС-ийн профессор багш, оюутнууд оролцов.

Энэхүү төслийн ажил нь ШУТИС-ийн 60 жил, КОЙКА-ДаТС-ийн хамтын ажиллагааны 20 жилийн ой арга хэмжээний хүрээнд болж байгаа төдийгүй орчин үеийн компьютерийн тоног төхөөрөмжөөр тоноглогдож байгаагаараа онцлог юм. Тус лабораторийн төслийг дэмжин хэрэгжүүлж өгсөн KOICA байгууллагын хамт олондоо талархал илэрхийлье.