2019 оны босгон дээр ШУТИС-иас Төрийн соёрхолт хоёр эрхэм төрөн гарлаа. Үндэсний эрх чөлөө, тусгаар тогтнолоо сэргээн мандуулсны 107 жилийн ойн өдөр Монгол Улсын Ерөнхийлөгч Х.Баттулга зарлиг гаргаж “Монголын геологи ба ашигт малтмал” хэмээх 8 боть бүтээлд Төрийн соёрхол хүртээсэн юм. “Монголын геологи ба ашигт малтмал” хэмээх 8 боть бүтээлийг туурвисан Шинжлэх ухаан технологийн их сургуулийн Геологи уул уурхайн сургуулийн ахмад багш, Ардын багш, Шинжлэх ухааны доктор, профессор Ж.Лхамсүрэн, Шинжлэх ухааны гавьяат зүтгэлтэн, Шинжлэх ухааны доктор, профессор О.Гэрэл нарыг ШУТИС-ийн удирдлага, хамт олон хүлээн авч хүндэтгэл үзүүллээ.
Мөн төрийн дээд одон медалиар шагнагдсан багш нараа ШУТИС-ийн захирлын зөвлөл болон бусад багш ажилтнууд хүлээн авч хүндэтгэл үзүүлсэн юм. “Алтан гадас одон”-гоор БУХС-ийн ахмад багш Шинжлэх ухааны доктор, профессор С.Байгалтөгс, ахлах багш А.Болормаа, МехТС-ийн ахмад багш С.Галбадрах нар шагнагдсан байна. “Хөдөлмөрийн хүндэт медаль”-иар ГУУС-ийн ахлах багш Б.Чулуунцэцэг, МехТС-ийн ахлах багш П.Энхбаатар, ҮТС-ийн дэд профессор Ч.Ганбаатар нар тус тус шагнагджээ.
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
