Тэртээ 2003 оноос эхлэлтэй манай сургуулиудын харилцаа, хамтын ажиллагааг идэвхжүүлэн сэргээх зорилгоор Бээжингийн Газрын тосны их сургуулийн Олон улсын Боловсролын сургуулийн орлогч декан Liu Xiaoqing, Механик-тээврийн сургуулийн декан Li Guanghe, Олон улсын Боловсролын сургуулийн зохицуулагч Wu Pen нарын бүрэлдэхүүнтэй төлөөлөгчид ШУТИС, ГУУС-д айлчлан ажиллав.
Төлөөлөгчдийг ШУТИС-ийн Эрдэм шинжилгээ, хамтын ажиллагаа эрхэлсэн дэд захирал Т.Намнан, ГУУС-ийн захирал Л.Пүрэв, Газрын тосны инженерийн салбарын эрхлэгч М.Оюунтөгс нар хүлээн авч, уулзаж, ярилцав. Энэ уулзалтанд ШУТИС-ийн ГУУС-ийн Газрын тосны инженерийн салбарын хамт олон бүрэн бүрэлдэхүүнээрээ оролцож, Зөвлөх профессор Ж.Цэвээнжав, Liu Xiaoqing нар 2 сургуулийн харилцаа, хамтын ажиллагааны түүх, өнөө, цаашдын хандлагын асуудлаар танилцуулга хийв. Бээжингийн Газрын тосны их сургуулийн төлөөлөгчид 2 сургуулийн харилцаа, хамтын ажиллагааг цаашид идэвхжүүлэх, өргөжүүлэх, Газрын тосны мэргэжлүүдээр баклаврын 2+2 хамтарсан хөтөлбөр хэрэгжүүлэхийг санал болгов. Талууд харилцаа хамтын ажиллагаагаа сэргээн идэвхжүүлэх, гэрээг шинэчлэн үргэлжлүүлэх, баклавр, магистр, докторын ахисан шатны сургалтын хөтөлбөрийг хамтран хэрэгжүүлэх, хамтарсан судалгааны төсөл боловсруулж, дэвшүүлэх, хамтарч хурал зөвлөлгөөн, сургалт семинар хийх зэрэг саналуудыг тохиролцож дэвшүүлэв.
ШУТИС-ийн дэд захирал Т.Намнан, ГУУС-ийн захирал Л.Пүрэв нар төлөөлөгчид, мэргэжлийн багш нарын хамт
Төлөөлөгчид ШУТИС-ийн ГУУС-ийн Газрын тосны инженерийн салбарын хамт олонтой...
Зочид төлөөлөгчид ШУТИС-ийн ГУУС-ийн Газрын тос, бүтээгдэхүүний лабораторит
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
