Мэдээлэл, холбооны технологийн сургуулийн ахлах багш, доктор Дашдоржийн Золзаяа Монгол Улсын Ерөнхийлөгчийн нэрэмжит залуу судлаачийн шагнал хүртлээ. Шагналыг 2018 оны 12 сарын 18-ны өдөр Ерөнхийлөгчийн Тамгын газрын дарга З.Энхболд гардуулж, баяр хүргэн үг хэллээ. Мөн 2018 оны шилдэг залуу эрдэм шинжилгээний ажилтан, судлаачдаар Шинжлэх ухааны Академийн Ерөнхий болон сорилын биологийн хүрээлэнгийн Генетикийн лабораторийн эрхлэгч, доктор Б.Цэрэндулам, Анагаахын Шинжлэх Ухааны Үндэсний Их Сургуулийн Шинжлэх ухаан, технологийн газрын мэргэжилтэн, доктор Б.Хонгорзул нар шалгарлаа.
Доктор Д.Золзаяа нь Элсэвер-ээс эрхлэн гаргадаг өндөр импакт фактор бүхий (IF 4.5) Knowledge-Based Systems сэтгүүлд “Deriving human activity from geo-located data by ontological and statistical reasoning” сэдэвт өгүүллээ хэвлүүлсэн байна. Тус судалгааны ажлаар хүмүүсийн өдөр тутмын мэдээлэл технологийн ашиглалтын явцад бий болж байгаа байршил болон цаг хугацааг агуулсан их хэмжээний өгөгдлүүдийн тусламжтайгаар нийгмийн эрүүл мэнд, аюулгүй байдлыг хангах, төрөл бүрийн эрсдэлийн үнэлгээ хийх, улмаар агаарын бохирдол, хот дахин төлөвлөлт, авто замын хөдөлгөөний ачааллыг бууруулах зэрэг улс орны нийгэм, эдийн засгийн олон асуудлуудыг шийдвэрлэх боломжтойг судалснаараа ач холбогдолтой юм.
Д.Золзаяа нь 2015 онд Италийн Трэнтогийн их сургуульд докторын зэргээ хамгаалсан бөгөөд одоогоор Солонгос улсад судалгааны ажлаа гүйцэтгэж байна.
Залуу судлаачдаа цаашдын судалгааны ажилд нь амжилт хүсье !
Эрдэм шинжилгээ, инновацийн газар
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
