“Өөрчлөлтийн бяцхан түүх” чөлөөт ярилцлага нь оюутан залуучуудад өөрийгөө хөгжүүлж, өөрчлөлтөд хүрсэн түүхэн амжилт, түүний төлөө тууштай суралцагч, тэмцэгч байхад нөлөөлөх хүчин зүйлийн талаар чөлөөтэй харилцан ярилцах зорилготой үйл ажиллагаа юм. Тус арга хэмжээний зочидоор ШУТИС-д амжилттай суралцаж буй оюутан болон төгссөн залуусыг урьж хичээлийн I байр “Хурлын танхим”-н үүдэнд нээлттэй явагдаж буйгаар онцлогтой.
Тус арга хэмжээний анхны зочиноор ШУТИС-ийн БАС-ийн ИБҮБ-ийн IV курсийн оюутан Батхуяг овогтой Батдэлгэр оролцлоо. Б.Батдэлгэр нь суралцахын хажуугаар өөрийн дуучин болох мөрөөдлөө биелүүлэхийн тулд ШУТИС-ийн “Дуулаачийн”, “Хөтлөгчийн” клубийн гишүүн болж өөрийн сонирхлоор авъяасаа хөгжүүлснээр сонгосон мэргэжилдээ ч дуртай болохоос гадна мэргэжлийн уралдаан тэмцээнд амжилттай оролцож байна. Б.Батдэлгэр нь аливаа эхэлсэн ажлынхаа эцсийг үзтэл хийдэг эрхэм чанартай тиймээс ч хичээл, авъяас зэргийг зэрэг хөгжүүлэн БАС-ийн ИБҮБ-ийг 4 жилдээ багтаан амжилттай төгсөхөөр төлөвлөсөн байна. Б.Батдэлгэр нь өөрийн мөрөөдлөө биелүүлэн БАС болон ШУТИС-ийн урлагийн их наадамд удаа дараа олон номинацид шагналт байранд шалгарсан авъяаслаг оюутан юм. Тэрээр ШУТИС, БАС болон бусад сургууль, байгууллага хамт олны томоохон арга хэмжээнүүдэд дуулж, хөтлөх зэргээр оролцож орлогтой оюутан болж чадсанаа бахархалтай ярьж байлаа.
Тус арга хэмжээг ШУТИС-ийн Оюутны соёл үйлчилгээний алба, Хөтлөгчийн клуб, SQ төвтэй хамтран зохион байгуулж байна. Дараагийн зочин ШУТИС-ийн төгсөгч ШУТИС-ийн Оюутны холбооны тэргүүнээр ажиллаж байсан Б.Мягмардорж уригдсан. Цаашид өөрийн мэргэжлийн салбарт манлайлан ажиллаж буй төгсөгч нараас энэхүү арга хэмжээнд оролцуулах сонирхолтой багш нар холбогдож болно.
Холбогдох утас 1035, 321184
Оюутны соёл, үйлчилгээний алба
"Газрын тосны инженерчлэл" хөтөлбөрийн ШУТИС-ийн 2-4 курсийн оюутнууд "Горгаз" ХХК, "Газ-Ойл Нефть" ХХК, "Ситигаз Энержи" ХХК-ийн үйл ажиллагаатай танилцав
“Монгол газрын тос боловсруулах үйлдвэр” ТӨХХК-ийн төслийн бүтээн байгуулалтын үйл ажиллагаатай танилцлаа
“Эрдэс баялгийн салбарын сургалт-судалгаа-хамтын ажиллагааны хөгжил” үндэсний II хэлэлцүүлэг болж байна
ШУТИС, ШУА-ийн Физик-технологийн хүрээлэнтэй хамтын ажиллагааны санамж бичиг байгууллаа
Экологи, тогтвортой хөгжлийн төвийн үйл ажиллагааг сэргээн эхлүүллээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
