Дата центер, MN.CERT/CC, Мэдээллийн аюулгүй байдлын газар, Голомт банкнаас хамтран зохион байгуулсан олон нийтэд Мэдээллийн аюулгүй байдлын талаарх үнэн зөв, бодитой ойлголт, мэдлэгийг бий болгох, төлөвшүүлэх, түгээн дэлгэрүүлэх зорилготой цахим аюулгүй байдлын “Харуул занги 2018” тэмцээн нь 6 дахь жилдээ амжилттай зохион байгуулагдлаа.
Энэхүү тэмцээнд нийт 132 баг бүртгүүлсэн ба 3 үе шаттайгаар зохион байгуулагджээ. Эхний шатнаас шилдэг 30 баг, 2-р дугаар шатнаас шилдэг 10 багийг шалгаруулан эцсийн шатыг “MNSEC-2018” мэдээллийн аюулгүй байдлын өдөрлөгтэй хамт зохион байгууллаа.
Тус тэмцээнд ШУТИС-ийн МХТС-ийн Мэдээллийн Сүлжээ, Аюулгүй Байдлын Салбарын оюутнууд амжилттай оролцож “#MongolianEmpire” багт орсон Системийн аюулгүй байдлын 3-р курсын оюутан А.Энхболд тэрүүн байранд шалгарлаа. Мөн “ЦОО” багт орсон Системийн аюулгүй байдлын оюутан Г.Цоодол, Б.Отгонбаяр, Г.Ган-Эрдэнэ, “M” багт орсон Б.Зоригт, “TeamBP” багт орсон Системийн аюулгүй байдлын оюутан О.Энхболд, О.Төгөлдөр нар шилдэг 10 багт шалгарсан байна. Байгууллага, компаниудаас зохион байгууллагддаг улсын чанартай тэмцээн уралдаанд оролцож өөрийгөө хөгжүүлэн, сургуулийнхаа нэр төрийг өндөрт өргөж байгаа оюутнууддаа багш оюутнуудын нэрийн өмнөөс баяр хүргэж цаашдынх нь сурлага, хөдөлмөрт нь өндөр амжилт хүсье.
"Газрын тосны инженерчлэл" хөтөлбөрийн ШУТИС-ийн 2-4 курсийн оюутнууд "Горгаз" ХХК, "Газ-Ойл Нефть" ХХК, "Ситигаз Энержи" ХХК-ийн үйл ажиллагаатай танилцав
“Монгол газрын тос боловсруулах үйлдвэр” ТӨХХК-ийн төслийн бүтээн байгуулалтын үйл ажиллагаатай танилцлаа
“Эрдэс баялгийн салбарын сургалт-судалгаа-хамтын ажиллагааны хөгжил” үндэсний II хэлэлцүүлэг болж байна
ШУТИС, ШУА-ийн Физик-технологийн хүрээлэнтэй хамтын ажиллагааны санамж бичиг байгууллаа
Экологи, тогтвортой хөгжлийн төвийн үйл ажиллагааг сэргээн эхлүүллээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
