Монгол Улсын Засгийн газраас тав дахь жилдээ зохион байгуулж буй “Оюутан цэрэг” сургалтын 5 жилийн ойн хүндэтгэлийн арга хэмжээ 2018 оны наймдугаар сарын 10-нд ҮБХИС-ийн Шархад дахь хээрийн сургалтын төвд боллоо. Уг арга хэмжээнд УИХ-ын гишүүн, Засгийн газрын гишүүн, Батлан хамгаалахын сайд Н.Энхболд, УИХ-ын гишүүн, Засгийн газрын гишүүн, Боловсрол, соёл, шинжлэх ухаан, спортын сайд Ц.Цогзолмаа нар болон ШУТИС-ийн захирал Б.Очирбат, МУИС-ийн захирал Я.Төмөрбаатар, ҮБХИС-ийн захирал П.Жаргалан, АШУҮИС-ийн захирал Ж.Цолмон, МУБИС-ийн захирал Д.Мандах болон дэд захирлууд, бусад сургуулиудын удирдлага албаны хүмүүс оролцлоо.
Уг арга хэмжээнд ШУТИС-ийн захирал Б.Очирбат шагнал гардуулахын зэрэгцээ, ШУТИС-аас “Оюутан цэрэг-2018” хөтөлбөрт хамрагдаж буй 93 оюутнаас 10 оюутанд ШУТИС-ийн захирлын нэрэмжит тэтгэлэг олгохоо илэрхийллээ. Мөн дэд захирал Л.Баяр-Эрдэнэ, Ц.Баатархүү нарын хамт оюутнуудтай уулзаж цэрэг эх оронч үзэл нь хэрхэн төлөвшиж үе тэнгийн найз нөхөд гэр бүлдээ үлгэр дууриалал үзүүлэх талаар нь тэдний санал бодлыг сонслоо.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
