ШИНЖЛЭХ УХААН, ТЕХНОЛОГИЙН ИХ СУРГУУЛЬ

Oлон улсын хурал-2018 “Challenges in Teaching English: Global Perspectives and Local Realities”

2018 оны 5 сарын 28-нд ШУТИС-ийн ГХИ-ийн Англи хэл судлалын тэнхимээс “Challenges in Teaching English: Global Perspectives and Local Realities” сэдэвт олон улсын хурал амжилттай зохион байгууллаа.

Энэ хуралд ОХУ-ын Буриадын улсын их сургууль, Дорнод Сибирийн технологи, удирдлагын их сургууль, Дорнод Сибирийн соёлын сургууль, Красноярскийн Сибирийн холбооны их сургууль, Владивостокын Эдийн засаг удирдлага, үйлчилгээний их сургууль, БНСУ-ын Гёнгнамын Шинжлэх ухаан технологийн их сургууль, АНУ-аас болон, МУИС, ХААИС, ХУИС, ЭЗИС, Дорноговь АУИС, Олон улсын Улаанбаатар их сургууль, Монголын олон улсын их сургууль зэрэг их дээд сургуулийн англи хэлний багш судлаач, эрдэмтэд оролцож илтгэл хэлэлцүүллээ.

Энэ удаагийн хурлаар хэл соёл судлал, англи хэл заах арга зүйн асуудал хэлэлцүүлж санал бодлоо солилцон цаашдын хамтын ажиллагааны талаар ярилцаж тохиролцов.