ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн номын сан ОХУ-ын “Электронно, библиотечная система” мэдээллийн сангаар профессор багш судлаачдад үйлчилгээ үзүүлнэ

ОХУ-ын “000 Политехресурс“ компаны ерөнхий захирал Молчанов Антон Викторович 2018.05.21-23-ны өдрүүдэд ШУТИС-д ажиллалаа.

ШУТИС-ийн Сургалт, оюутны асуудал эрхэлсэн дэд захирал Х.Энхжаргал, Хөгжлийн бодлого, төлөвлөлт эрхэлсэн дэд захирал Б.Сүхбат, ГХХАА-ны дарга Т.Батбаяр, Төв номын сангийн захирал Ч.Гулнар нартай уулзаж “Электронно, библиотечная система” мэдээллийн сангийн талаар танилцуулж, техник технологийн цахим ном материалыг профессор багш, судлаачдын сургалт судалгаанд ашиглах, цаашид хамтран ажиллахаар санал солилцов.

Номын сангийн захирал, профессор Ч.Гулнарыг “000 Политехресурс“ компаний Монгол дахь албан ёсны итгэмжлэгдсэн төлөөлөгчөөр батламжилж ерөнхий захирал Молчанов Антон Викторович итгэмжлэлийг гардууллаа. Тус “Электронно, библиотечная система” мэдээллийн сан нь ОХУ-ийн хэвлэлийн газруудын 2005 оноос хойш хэвлэгдсэн шинжлэх ухааны бүх салбарын ном, сурах бичиг, эрдэм шинжилгээний материалыг багтаасан томоохон мэдээллийн сан юм. ШУТИС-ийн номын сан тус мэдээллийн сангийн техник технологийн чиглэлийн 10 орчим багцийн 8000 гаруй цахим номын эрхийг авахаар судалгаа хийж байна.

Молчанов Антон Викторович Монголын их дээд сургуулиудын удирдлагуудтай уулзаж, мэдээллийн сангийн онцлог, давуу талыг танилцуулж, МИДС-ийн төлөөлөл, ШУТИС-ийн профессор багш нарт зориулсан "Техник, технологийн номын цахим хувилбарыг сургалт судалгаанд ашиглах нь" сэдэвт сургалтыг амжилттай зохион явууллаа.