2018 оны 05 дугаар сарын 02-ны өдөр Сүхбаатар дүүргийн Засаг даргын Тамгын газар, дүүрэг дэх Цагдаагийн нэгдүгээр хэлтэс, дүүргийн Гэмт хэргээс урьдчилан сэргийлэх ажлыг зохицуулах зөвлөлөөс хамтран хэрэгжүүлдэг “Оюутан-эргүүл” үйл ажиллагааны нээлт боллоо.
Иргэдийнхээ аюулгүй, амар тайван амьдрах нөхцлийг бүрдүүлэх, гэмт хэрэг зөрчлөөс урьдчилан сэргийлэх ажлыг эрчимжүүлэх, урин дулааны улиралд нийслэлд зочлох гадаадын аялагч, жуулчдын аюулгүй байдлыг хангахад дэмжлэг үзүүлэхээр МУИС, МУБИС, ШУТИС, Анагаахын Шинжлэх ухааны их сургууль, Үндэсний биеийн тамирын дээд сургууль, Сити, Этүгэн зэрэг нийт 10 сургууль хамтран ажиллахаар боллоо.
Энэхүү үйл ажиллагаанд Нийслэлийн Цагдаагийн газрын хэлтсийн дарга, дэд хурандаа Ц.Цэрэнпунцаг, Цагдаагийн нэгдүгээр хэлтсийн дарга Б.Даваазул, дүүргийн Засаг даргын Тамгын газрын хэлтсийн дарга Д.Тунгаа болон ШУТИС-ийн захирал Б.Очирбат, Сургалт, оюутны асуудал эрхэлсэн дэд захирал Х.Энхжаргал болон бусад их, дээд сургуулиудын удирдлага оролцож оюутнуудад амжилт хүссэн юм.
Мөн Цагдаагийн “Сүлд” чуулгын уран бүтээлчид болон сургууль тус бүр урлагийн тоглолтоор мэндчилгээ дэвшүүлж, “Оюутнууд бид Монголын ирээдүйг хамтдаа бүтээнэ” уриан дор нэгдлээ.
Энэхүү арга хэмжээнд ШУТИС-ийн оюутны клубын гишүүд, Оюутны зөвлөл болон Оюутны холбооны 100 гаруй оюутнууд оролцлоо.
Оюутны соёл, үйлчилгээний алба
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
